Conferencia Oeste Da Nba

Os tres gañadores de división cualifícanse primeiro, segundo e terceiro para os playoffs ordenándose polo seu récord, co resto de cualificados para os playoffs ordenados de cuarto a oitavo. Isto quere dicir que é posíbel que o cuarto teña un mellor récord que o terceiro cualificado. Por outra parte, a vantaxe de cancha decídese polo récord, non por cualificación, así que se o terceiro e o cuarto enfróntanse nunha rolda de playoffs no que o cuarto ten mellor balance que o terceiro, será o cuarto o que terá a vantaxe de cancha.

Os playoffs da Conferencia Oeste divídense en tres roldas, e o gañador enfróntase ó gañador da Conferencia Leste nas finais da NBA para determina-lo campión final. Tódalas roldas son ó mellor de sete partidos.

A actual división dos equipos adoptouse ó comezo da tempada 2004-2005, cando os Charlotte Bobcats entraron na NBA, converténdose na franquía número trinta. Isto fixo necesario o cambio dos New Orleans Hornets dende a División Central da Conferencia Leste á nova División Suroeste da Conferencia Oeste.

Campións NBA en letra grosa

• 31: Minneapolis / Los Angeles Lakers
• 8: San Francisco / Golden State Warriors
• 6: San Antonio Spurs
• 4: Atlanta / St. Louis Hawks
• 4: Houston Rockets
• 4: Oklahoma City Thunder / Seattle SuperSonics
• 3: Phoenix Suns
• 3: Portland Trail Blazers
• 2: Dallas Mavericks
• 2: Detroit / Ft. Wayne Pistons
• 2: Milwaukee Bucks
• 2: Utah Jazz
• 1: Chicago Stags
• 1: Baltimore Bullets
• 1: Sacramento Kings / Rochester Royals