Tolima Piedras
‘S e baile beag ann an Tolima, Coloimbia, a th' ann Piedras, neo San Sebastián del Río de las Piedras o shin.
Tha e suidhichte aig 403m os cionn ìre na mara aig astar dhe 47km bho Ibagué, prìomh-bhaile na roinne 'S e baile le gnàth-shìde theth a th' ann agus tha teodhachd mheadhanach dhe 26˚ aige, rè na bliadhna. Chaidh am baile a stèidheachadh ann an 1552.
| Dùthaich | Coloimbia  |
|---|---|
| Sgìre riaghaltais ionadail | Tolima |
| Domhan-leud is -fhad | |
| Làrach-lìn | http://www.piedras-tolima.gov.co/index.shtml |
Freumhan an Ainm
'S e Itandaima an t-ainm tùsail a bha air an àite seo, neo dìreach an t-ainm a bha air na Tùsanaich a bha nan tàmh an seo mus do ràinig na Spàinntich. Mar a b' àbhaist ann an Aimearaga, chaidh ainmean-àite a chruthachadh le freumhan anns na creideamhan nan Spàinnteach: m.e. Sante Fe de Bogotá, San Bonifacio de Ibagué agus San Juan de Pasto. Mar sin, chaidh ainm a' bhaile a dh'atharrachadh gu San Sebastián del Río de las Piedras. Tha dà fhacal Spàinntis anns an ainm sin: río (abhainn) bhon fhacal Laideann rius agus piedra (clach) bhon fhacal Laideann petra.
Sluagh a' bhaile
Tha 5,427 nan tàmh anns a' bhaile fa leth, ach tha a’ mhòr-chuid dhuibh, 3,804 dhuibh a’ fuireach thall anns na sgìrean dùthchasail am broinn crìochan a' bhaile. Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poilitigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Ach ‘s e baile agus sgìre traidiseanta dùthchasail a th' ann Piedras fhathast.
Taobh chinnidh, 's e daoine geala/mestizos a th' ann a' mhòr-chuid dhe na daoine ann am Piedras ach tha 0.5% dhe daoine le freumhan ann an Afraga cuideachd. 'S urrainn dhan 84.3% dhe na daoine ann an Piedras leughadh agus sgrìobhadh. A tuilleadh air sin, chan eil fòn aig an taigh aig 27.1% dhe na dachannan.
Fèisean
Thathar a’ cumail am iomadach seòrsa dhe fhèis ann am Piedras. Chithear fèilltean Caitligeach, leis gur e dùthaich le mòr-chuid Chaitligeach a th' ann fhathast, fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.
- Fèis an Neo-eisimeileachd: 20mh An t-Iuchar.
Iomraidhean
Ceanglaichean a-mach
This article uses material from the Wikipedia Gàidhlig article Piedras (Tolima), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tha an t-susbaint seo ri fhaighinn fo CC BY-SA 4.0 mur eil an caochladh 'ga innse. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gàidhlig (DUHOCTRUNGQUOC.VN) is an independent company and has no affiliation with Wiki Foundation.