Provincia Albacete

Albacete Bratach na Roinne Gearradh-arm no Seula
Suidheachadh
Dùthaich	An Spàinn
Prìomh-bhaile	Albacete
Stèidhichte	1833
Feartan fiosaigeach
Farsaingeachd	14,918 km²
Àireamh-shluaigh	402,318 (2014)
Dlùths	26.97/km²
Àireamh fòn	+ (967)
Duilleag oifigeil	Riaghaltas na Roinne

Tha e na laighe ann an Castilla-La Mancha, ann an ceann a deas na dùthcha. 'S e Albacete a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm. B' e an siostam-riaghalaidh iondail na Frainge a chleachd e mar mhodal. Chuireadh a-steach Coimhearsnachd fèin-riaghlaidh Chastilla la Mancha i ann an 1978, nuair a sgrìobhadh Bun-reachd ùr. Sìnidh Albacete fad 14,918km² agus tha 402,318 duine a' fuireach ann. Le sin, 's e an 9mh roinn as motha na Spàinne a thaobh talmhainn agus an 35mh a thaobh àireimh-sluaigh. Tha crìochain aice le Alacant, Almería, Ciudad Real, Cuenca, Granada, Jaén, Murcia agus València. 'S e dìreach Spàinntis a tha ga bruidhinn an seo.

Tha e coltach gur ann à الباسيتي (Al-Basit) ann an Arabais a tha an t-ainm, a tha a' ciallachadh làn no rèidh. Tha cruth na tìre a' gabhail ri seo. Tha fuaimneachadh an ainm air atharrachadh fad nan linntean: tha an connrag s air atharrachadh gu θ, rud a tha a' tachairt daonnan sa chànan sin. Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.

• Albacete
• Alcaraz