Lânstreek Swaben
Swaben (Dútsk: Schwaben, Schwabenland of Ländle) is in kultureel, histoaryk en taalkundich gebiet yn it súdwesten fan Dútslân.
De namme komt fan it Midsiuwske stamhartochdom Swaben, ien fan de fiif Dútske stamhartochdommen, dat it stamgebiet fan de Alemannen en Sueven wie.
Yn grutte sin omfiemet it gebiet it gânse Dútsk-Alemannysk taalgebiet, mar it hjoeddeiske Swaben is mear beheind, benammen troch de fal fan it stamhartochdom Swaben yn de trettjinde iuw. Swaben yn hjoeddeiske etnografyske sin komt rûchwei oerien mei it gebiet fan de Swabyske Kreits fan it Hillige Roomske Ryk yn de Iermoderne Tiid, no ferdield yn de steaten Baden-Wuertemberch en Beieren.
De Swaben (Schwaben, inkeltal Schwabe) binne it folk fan it gebiet en sprekkers fan it Heechdútske dialekt Swabysk. It tal sprekkers wurdt rûsd op 800.000 fan in befolking fan 7,5 miljoen yn de Regierungsbezirke Tübingen, Stuttgart en it Beierske Swaben.
This article uses material from the Wikipedia Frysk article Swaben (lânstreek), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.