Reid
Reid (Phragmites australis of Phragmites communis) is in plant dy't ta de gerzen (Poaceae) rekkene wurdt.
De plant is bot oanwêzich oan de wetterkanten. Reidgers (Phalaris arundinacea) liket yn it fegative stadium in protte op reid, mar hat in fluezich tonkje ynsteed fan hierkes. Reid wreidet har op trije wizen út: troch sied, troch woarteltûkken en troch útrinners, dat wol sizze horizontale stâlen wêr't op de knopen in nije plant by ûntstiet. De plant komt ek as eksoat foar yn Noard-Amearika. Dêr wurdt de plant sjoen as in net lânseigen soart en as túch beskôge. Reid kin 1-3 m heech wurde. De stâle stiet stiif rjochtop en it 1-3 sm brede blêd mei spits tarinnende top is griisgrien. Op de grins fan de skie fan it blêd sit in tonkje (ligula) yn in krânske fan hierkes.
 | Dit artikel is in stobbe oer plant. Jo wurde útnûge en foegje jo witten hjir ta. |
 | Ofbylden dy't by dit ûnderwerp hearre, binne te finen yn de kategory Phragmites australis fan Wiki Commons. |
This article uses material from the Wikipedia Frysk article Reid, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.