Fluitjiesriet: Plantspesie
Fluitjiesriet (Phragmites australis) is 'n plant wat aan die hele kuslyn en ook in die binneland van Suid-Afrika voorkom.
Dit is inheems aan Suid-Afrika en kom in al die provinsies voor. Op die SANBI-rooilys word dit as 'veilig' (LC) gelys.
| Fluitjiesriet | |
|---|---|
 | |
| Phragmites australis in die winter | |
| Wetenskaplike klassifikasie | |
| Koninkryk: | |
| (geen rang): | |
| (geen rang): | Monocots |
| (geen rang): | Commelinids |
| Orde: | Poales |
| Familie: | |
| Subfamilie: | Arundinoideae |
| Tribus: | Arundineae |
| Genus: | Phragmites |
| Spesie: | P. australis |
| Binomiale naam | |
| Phragmites australis (Cav.) Trin. ex Steud. | |
Dit groei in riviermondings, soutmoerasse en moerasland. Die plant is houtagtig met 'n hol stam en het lang, plat blare soos lanse. Die blomme is gerangskik in taankleurige are met klossies syagtige hare. Die blomme word tussen Desember en Junie gedra. Die plant versprei deur ondergrondse stingels; die polle kan ook verdeel word.
Die spesie kom wydverspreid oor die wêreld voor, behalwe byvoorbeeld in die Amasonebekken. In Noord-Amerika kom oorspronklik die subspesie P. a. americanus voor wat net as enkele plant tussen ander plante groei. Die Europese subspesie P. a. australis wat ook aan Suid-Afrika inheems is, is daar in die vroeë 1800's ingevoer. Dit vorm geslote rietbeddings, domineer die hele gebied en verdring inheemse plante. Hierdie subspesie word daarom as indringerplant bestry.
Die plant is meerjarig, kan 3,6 m hoog word en groei vinnig. Die blomme is tweeslagtig en word deur die wind bestuif. Die plant is eetbaar vir mense. Die wortelstokke kan soos aartappel gekook word, maar hulle is soet en kan tot 5% suiker bevat. Die jong skeute is die lekkerste. In Rusland word fluitjiesriet geoes en tot setmeel verwerk.
Bron
- Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
Verwysings
Eksterne skakels
Wikiwoordeboek het 'n inskrywing vir fluitjiesriet.
This article uses material from the Wikipedia Afrikaans article Fluitjiesriet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.