Nebraska Niobrara
Niobrara (útspr.: , likernôch: na-juh-brêr-ruh; Omaha: Ní Ubthátha Tʰáⁿwaⁿgthaⁿ; útspr.: , likernôch: nyng ûb-la-la ûang-lang) is in doarp yn Knox County, yn it noardeasten fan 'e Amerikaanske steat Nebraska.
Neffens gegevens fan 'e folkstelling fan 2010 lei it ynwennertal fan it plak doe op 370 minsken. De rivier de Niobrara rint lyk by it doarp lâns.
| Niobrara | ||
 | ||
| Polityk | ||
| Lân |  Feriene Steaten | |
| Steat |  Nebraska | |
| County | .PNG){kind=small} Knox County | |
| Sifers | ||
| Ynwennertal | 370 (2010) | |
| Oerflak | 1,9 km² (ynkl. wetter) 1,9 km² (allinnich lân) | |
| Befolkingsticht. | 194,7 / km² | |
| Hichte | 375 m | |
| Oar | ||
| Stifting | 1856 | |
| Tiidsône | UTC-6 | |
| Simmertiid | UTC-5 | |
| Koördinaten | 42°45′00″N 98°01′55″W | |
| Offisjele webside | ||
| www.niobrarane.com | ||
| Kaart | ||
 | ||
| De lizzing fan Niobrara yn Knox County en yn 'e steat Nebraska. | ||
Skiednis
Niobrara waard yn 1856 stifte. It Amerikaanske Leger lei der doe in fort oan om 'e blanke kolonisten te beskermjen tsjin oanfallen fan 'e Yndianen. Al hiel gau ûntstie dêromhinne in lytse delsetting.
Demografy
Neffens gegevens fan 'e folkstelling fan 2010 wie doe fan 'e befolking fan Niobrara 29,2% âlder as 65 jier en 16,8% jonger as 18 jier. Fierders bestie 45,6% fan 'e húshâldings út ien persoan. Ut âldere gegevens, út 2000, die bliken dat doe 13,8% fan 'e befolking ûnder de earmoedegrins libbe. Wat de etnyske opbou fan 'e befolking oangiet, dy wie yn 2010 sa: 81,9% blanken; 11,6% Yndianen; 2,4% Latino's; 0,3% swarten; 3,8% oaren of fan mingd etnysk komôf.
Hoewol't it bûten de grinzen fan 'e respektivelike reservaten leit, binne yn Niobrara sawol de reservaatsbestjoeren fan it Santy Yndianereservaat (Santee Indian Reservation) en it Ponka Yndianereservaat (Ponca Indian Reservation), as de haadkertieren fan 'e federaal erkende Santy Sû Naasje (Santee Sioux Nation) en Ponka Stamme fan Nebraska (Ponka Tribe of Nebraska) fêstige.
Ferstoarn yn Niobrara
- Steande Bear (1839-1908), opperhaad fan 'e Ponka
Klimaat
Niobrara hat in lânklimaat, mei waarme simmers en net al te strange winters. Yn july, de waarmste moanne, is de trochsneed temperatuer oerdeis 32 °C, en yn jannewaris, de kâldste moanne, leit er oerdeis om it friespunt hinne. Der falt jiers trochinoar 577 mm delslach; yn 'e winter komt dat yn 'e regel del yn 'e foarm fan snie.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Niobrara (Nebraska), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.