Markus Assies

Assies wie ryksamtner yn Assen en dêre lid fan de LO en KP . "Max" wie syn fersetsnamme. Hy wie belutsen by in protte fersetaktiviteiten sa as it tarieden fan oerfallen, plak sykje foar ûnderdûkers en it opfangen fan piloaten. Fierders wie er belutsen by it Nationaal Steun Fonds.

Op 28 febrewaris 1944 die de Sicherheitsdienst in ynfal op in adres yn Assen dêr’t Assies oanwêzich wie op in gearkomst fan it ferset. Hy en syn kollega’s kamen yn hannen fan de saneamde "Bloedgroep Norg" dy’t wreedferneamd wie om har tramtearringspraktyk. De Bloedgroep Norg hie it hearehûs fan de famylje Tonckens foardere en martele fêstnommen fersetsminsken yn de kelder, ûnder oaren ek Max Bruins út Steenbergen.

Nei’t er yn Grins fêstsitten hie yn it Hûs fan Bewar waard er oerbrocht nei Kamp Amersfoart en inkelde dagen letter nei Kamp Vught. Mei 21 oaren waard er troch it Polizeistandgericht De Bosk ta de dea feroardield. Assies waard eksekutearre yn Overveen op 6 juny 1944.

Yn 1946 waard syn stoflik omskot fannijs beïerdige op it Earebegraafplak yn Bloemendaal yn fek 23 en waard him it Fersetskrús postúm takend.