Joseph Farwell Glidden (Charlestown, New Hampshire, 18 jannewaris 1813 - DeKalb, Illinois, 1906) wie in Amerikaanske boer dy't it stikeltried patintearre, in produkt dat de ûntjouwing fan it Amerikaanske Westen foar altyd feroare.
Glidden krige patint op it stikeltried yn 1874. Syn fining waard lykwols bestriden en hy rekke rillegau fertize yn juridyske fjochterij. Uteinlik wûn er dy striid en rjochte de "Barb's Fence Company" op yn DeKalb, Illinois. Hy waard ûnbidich ryk troch syn útfining. Noch foar syn dea yn 1906 wie er ien fan de meast begoedige lju yn Amearika waarn fermogen rûsd waard op in miljoen dollar (doetiids in slompe jild), dêrby ynbegrepen in hotel, in mûne, in fabryk, in krante en lânbougrûn yn Illinois en Teksas.
Fan 1852 oant 1874 ferfolde hy in tal offisjele funksjes foar DeKalb County, sa as sheriff, lid fan de Board of Supervisors, lid fan it útfierend komitee foar de lânbou, lid fan de ried fan bestjoer fan skoaldirekteuren, ficepresidint fan de DeKalb Nasjonale Bank, direkteur fan de North Western Railroad. Fierder wie er eigner fan de DeKalb Rolling Mill, it Glidden House Hotel, de DeKalb Chronicle en de "Glidden Felt Pad Industry". In 1876 wie er de democratyske kandidaat foar it senatorskip fan Illinois. Hy skonk in soad jild oan skoallen en tsjerklike ynstellingen.
De stêd Glidden, yn Iowa is nei him ferneamd.
This article uses material from the Wikipedia Frysk article Joseph Glidden, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.