Joo Min Lee

Hja wurke yn 1995 in skoft yn 'e Jeropeeske pornoyndustry en foel op troch har útsûnderlike natuerlike skientme.

Joo Min Lee
persoan yn de seksyndustry
persoanlike bysûnderheden
oare artyste-        nammen	Cleo
echte namme	ûnbekend
nasjonaliteit	Frânsk
berne	20 juny 1973
berteplak	ûnbekend (Frankryk)
etnisiteit	Japansk
wurkpaad
wurksum as	pornoaktrise
jierren aktyf	1995
offisjele webside
gjint

Joo Min Lee waard yn 1973 earne yn Frankryk berne. Yn 1995 waard hja ûntdutsen troch de Frânske regisseur Pierre Woodman, doe't dy audysjes hold, op 'e siik nei nije pornoaktrises. Datselde jiers makke Joo Min Lee mei 22 jier har debút yn ien fan Woodman syn pornografyske films, dat in produksje fan it Sweedske Private-label wie. Dêrby gie it om 'e film The Tower 2, wêryn't se in masturbaasjesêne die.

Neitiid spile Joo Min Lee yn it ferfolch The Tower 3, dat krektlyk troch Woodman regissearre waard. Dêryn spile se yn in sêne wêryn't se orale en anale seks hie mei akteur Frank Versace. Teffens posearre se foar in fotoreportaazje mei trije manlike tsjinspilers, wêrûnder Richard Langin, wêryn't se ek dûbele penetraasje bedreau. Dy reportaazje waard publisearre yn it pornoblêd Private Magazine. Fierders spile Lee noch yn fjouwer films fan 'e Frânske studio Nanou, wêrûnder Belles à Jouir 7. Hja beëinige har pornokarriêre oan 'e ein fan 1995.

Joo Min Lee is fan mongoloïde ras, mei de ljochte hûdskleur fan Japanners. Hja hat brune eagen en swart hier. Neffens har offisjele opjefte is se 1.57 m lang. Oer har gewicht en kupmaat binne gjin gegevens bekend, mar ûnder har pornokarriêre hie se yn elts gefal gjin boarstfergrutting hân. Joo Min Lee hat behalven troch har earlellen gjin piercings, en likemin hat se tatoeaazjes.

• (in) Biografy en filmografy fan Joo Min Lee yn 'e Internet Movie Database (IMDb)
• (in) Biografyske gegevens en filmografy fan Joo Min Lee yn 'e Internet Adult Film Database (IAFD)
• (in) Biografyske gegevens fan Joo Min Lee op FreeOnes