Fianen (Nederlânsk en offisjeel: Vianen) is in stêd en in eardere gemeente yn de Nederlânske provinsje Utert.
Oant 1 jannewaris 2002 lei it yn de provinsje Súd-Hollân.
Op 10 novimber 2015 waard bekend dat Fianen fusearje soe mei de tichteby lizzende Súd-Hollânske gemeenten Leerdam en Zederik ta in nij te foarmjen gemeente Vijfheerenlanden. De nije fúzjegemeente komt by de provinsje Utert. De weryndieling sil op 1 jannewaris 1919 syn beslach krije. Op 1 jannewaris 2018 waarden de amtlike organisaasje fan de trije gemeentes al gearfoege.
De stêd Fianen leit oan de Lek yn de Vijfheerenlanden en is útgroeid ta in grut forinzeplak, mei twa grutte Rykswegen, de A2 en de A27 dy 't troch it gebiet rinne.
De gemeente Fianen is de iennige Utertske gemeente besuden de rivier de Lek. De gemeente grinzet yn it noarden oan de Utertske gemeentes (mei de klok mei) Lopik, Iselstein, Nieuwegein en Houten, en wurdt fan dy gemeentes skieden troch de Lek. Yn it suden grinzet Fianen oan de gemeenten (fan east nei west) Kulemboarch, Leardam en Zederik.
Boarnen, noaten en/as referinsjes: |
|
This article uses material from the Wikipedia Frysk article Fianen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.