La Creative Commons e je une organizazion no governative che e lavore cence finalitât di vuadagn.
La sô finalitât e je che di elaborâ e pandi des licencis di autôr che a regoledin i dirits dal autôr di une opare e la pussibilitât di bande di altris autôrs di doprâ e di modificâ la opare origjinarie. La necessitât di chestis licencis e je vignude fûr intai ultins agns soredut cul disvilup de informatiche e di Internet, cuant che si si è visâts che une interpretazion masse rigjide des leçs sul copyright e podarès imberdeâ il disvilup dai lavôrs creatîfs.
Il fondadôr dal progjet intal 2007 al è stât il professôr di dirit de Universitât di Stantford Lawrence Lessing, che al è un dai plui grancj esperts de legjislazion sul dirit di autôr. Za prime si dopravin des licencis alternativis ae "licence cun ducj i dirits riservâts", lis dôs licencis dopradis a jerin che de Open Publication Licence (OPL) e sore dut che de GNU Free Documentation License (GFDL).
Lis licencis Creative Commons a àn voie di dâ dute une schirie di alternativis disint clarementri cuai che a son i dirits che l'autôr al ten par se e cuai che a son libars.
Lis licencis creative Commons a son nassudis intai Stâts Unîts ma a son pensadis par jessi dopradis ancje in altris legjislazions. La localizazion e je la traduzion de licence in une altre lenghe, fasint chest si àn tal câs di fâ chês modifichis che e tegnin cont des diferencis fra la legjislazion dal paîs localizât e chês dai Stâts Unîts de Americhe. La ultime version des licencis Creative Commons e je la 3.0 ma la ultime localizade pe legjislazion taliane e je la 2.5
This article uses material from the Wikipedia Furlan article Creative Commons, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.