Cél articllo est ècrit en arpetan supradialèctâl / ORB lârge. |
Lo World Trade Center de la vela de Niou-Yorque (racorciê WTC) est un ensemblo composâ de bâtiments d’afâres, que sè trôve dedens lo quartiér de Lower Manhattan, ux Ètats-Unis. Conçu per l’arch·itècto Minoru Yamasaki et pués dèvelopâ per la Port Authority of New York and New Jersey, il est étâ inôgurâ lo demécro .
Son nom est pariér a celos d’ôtros World Trade Center, quand ben que celi de Niou-Yorque èye avengiê na notoriètât d’en-dessus. Vôt dére « centro de comèrço mondiâl » ou ben « centro d’afâres entèrnacionâl ».
Marcâyes per un fuè lo pués per un atentat a la bombo lo 26 de fevriér 1993, les tors bèsses sont étâyes tot entiér fotues bâs per doux aèroplanos dèveriês lo 11 de septembro 2001. Lor posicion g·eografica est adonc étâye surnomâye « Ground zero » (quand ben que los Niou-Yorquês âmont mielx l’apèlacion « World Trade Center site »). L’endrêt recêt enqu’houé un mèmoriâl dessus l’emplacement de les tors dèmolies et pués un novél ensemblo, que lo One World Trade Center est la més hiôta tor.
Identifiâ per sos doux bâtiments los més ben cognus, les Twin Towers (tors bèsses), il ére un simbolo de la pouessience amèriquèna ux uelys du mondo entiér et pués un’icôna de Niou-Yorque, u mémo titro que l’Empire State Building et la statua de la Libèrtât.
This article uses material from the Wikipedia Arpetan article World Trade Center, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.