Gâra De Sant-Etiève-Châtélcrox
 | Cél articllo est ècrit en arpetan supradialèctâl / ORB lârge. |  |
La gâra de Sant-Etiève-Châtélcrox, que se trove dens lo quartiér de Châtélcrox, est na gâra fèrroviére forésiena et arpetana de la comena de Sant-Etiève, ch·èf-luè du dèpartament de la Lêre. El est explouètâye per la SNCF (Sociètât Nacionala des Chemins de Fèr francês).
O y at des trens règionâls de la baragne TÈR Ôvèrgne-Rôno-Ârpes vèrs Givôrs, Liyon, Ambèriô, Montbréson, Rouana et Lo Pué, et pués des trens nacionâls avouéc los TGV vèrs Liyon et Paris. O y aviêt na liyêson règ·ionâla vèrs Cllârmont-Fèrrand, mas dês ora el est remplaciêe por na liyêson ôtocar a cosa de la fôta d'entretien de la legne per la SNCF.
Situacion fèrroviére
La gâra de Sant-Etiève-Châtélcrox est u pouent kilomètrico (PK) 502,545 de la legne dês Morét-Vernôx-los-Sabllons tant qu'à Liyon-Pèrrâche, entre-mié les gâres de Sant-Etiève La Tèrrassa et Sant-Chamond. O est na gâra de bifurcacion avouéc la legne dês Sant-Jôrjo-d'Ôréc tant qu'a Sant-Etiève-Châtélcrox, la gâra de devant est Sant-Etiève-Carnot.
Dèssèrta
Trens règionâls
La gâra de Sant-Etiève-Châtélcrox est dèssèrvie per cetes legnes TÈR :
- Sant-Etiève - Sant-Chamond - Vèrs-de-Giér - Givôrs-Vela - Liyon-Pârt-Diô
- Lo Pué - Fromegniô - Sant-Etiève - Givôrs-Vela - Liyon-Pèrrâche
- Cllârmont-Fèrrand - Tiern - Montbréson - Sant-Etiève (en partie reportâye avouéc ôtocar, la legne est fermâye entre-mié Montbréson et Tiern)
- Rouana - Sant-Etiève
La legne vers Liyon-Pârt-Diô est la legne TÈR la més frèquentâye de France avouéc 4 milyons de voyagiors per an, tot pariér 15 000 voyagiors per jorn de semana.
Trens nacionâls
- TGV Sant-Etiève - Liyon-Pârt-Diô - Paris Gâra de Liyon (4 alar-retorns du delon u dessando, 3 lo demenge)
Transpôrts urbens
La gâra est dèssèrvie per la baragne STAÈ (Sociètât de Transpôrts de l’Agllomèracion Èstèfanouèsa), avouéc les legnes de tramevê T2 et T3, et les legnes de bus M4, 14, 29 et 83 (s'y rapondent les legnes M3, M5, 11, 12, 16 et S9 a l'arrêt de la rue Montât a 3 minutes de la gâra).
Ôtocars règionâls
- Cars Règion Lêre : L11 (vers Montbréson) et L13 (Crapona-sus-Arzon)
- Cars Règion Hôta-Lêre : H37 (Montfarcon-de-Velê, Sant-Agréva)
- FlixBus et BlaBlaCar Bus por tote la France et l'Eropa
Notes et rèfèrences
Vêre avouéc
Articllos liyês
Lims de defôr
- La gâra de Sant-Etiève-Châtélcrox sur lo sito vouébe TÈR Ôvèrgne-Rôno-Ârpes : https://web.archive.org/web/20220421112215/https://m.ter.sncf.com/auvergne-rhone-alpes/se-deplacer/gares/saint-etienne-chateaucreux-87726000
This article uses material from the Wikipedia Arpetan article Gâra de Sant-Etiève-Châtélcrox, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.