En biologia, lo genro (en latin genus, pl.
genera) est un reng de classificacion que rassemble des èspèces èyent en comon de nombrox caractèros semblents. Més de 400 000 genros de plantes, champegnons et bétyes ant ja étâ dècrits. Châque genro est dèsignê per un nom latin (ou latinisâ) que comence de façon sistèmatica per na majuscula, possiblament siuvu de son (ou sos) ôtor(s) et de l'an de publecacion. Un genro est dét monotipico (ou monospècifico) s'il comprend houé qu'una èspèce en tot, coment lo ginko (Ginkgo), lo grant requin blanc (Carcharodon) ou l'homo (Homo). Los més grants genros, coment Astragalus (plantes que cèrtênes ègzistont dens noutros payis arpetans) ant plusiors milyérs d'èspèces u nivél de la planèta.
Lo nom de genro aparêt nècèssèrament quand on cite una èspèce: Panthera leo (lion), Panthera tigris (tigro), Vitis vinifera (vegne a vin); o est la nomenclatura binominâla enventâye per Carl von Linné (Linnaeus).
On pôt divisar un genro en plusiors sot-genros, que compregnont des èspèces oncor més semblentes. En citacion on bete des côps lo sot-genro entre pararentèses, entre lo genro et l'èpitèto spècifico: Cortinarius (Telamonia) brunneus, cortenèro bron, du sot-genro Telamonia.
This article uses material from the Wikipedia Arpetan article Genro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.