Üts näütüs Mõnistõ keelepruugist, minka om 1889. a. kirja pandnu P. Fr. Kõiv.
"Mehka, kas Sa iilä käve Vastrõ Henu puul?"
"Käve neh!"
"Iskagä [ega] Sa is kuulõ, et tu ollõv üle-iilä Musta ekkõ vällä [ärq] uppunu?"
"Mine nu laplanõ uma juttuga! Ma olli kыgõ [ы - korgõ õ] iilädse õdakuspoolõ Henu puul; sыs olõs ыks Henu mullõ ka üllü, kuda ekkõ tahzõ vällä uppu, a Henu lausu õs tuust musta is valgõt."
"Kaenu, määntze na inemise tirani [sõimunimi] ka umma."
"Kis Sullõ, Hip, tuud kыnõl?"
"Huju [imehtellemise viis], iskagä ma nu tuud umast pääst is kõnõla Sullõ. Konnu [jõõviirse niidü] pääl tull' mullõ iilä õdagu unuimä [vanaimä] vasta ja üttel: Kulla Hippõkõnõ! Vastrõ Henu um ilmast vällä lännü. O sedä hääd miist, keä küll kellgi üttegi kurja sõnna is lausu. Nu um tõõsõkõnõ ErusalemminIessukõsõ kohtu iin!"
"Unuimä ei mõista ka muud kui tühjä juttu takkan aija."
"Mine nu paremb ussõ [vällä], kae, mea Sull kaija um, ku sa hüppä [tühjä] juttu toukat ja eläviid vällä kuulnuide sekkä säät!"
"Hippõõ!"
"Mea?"
"Ma is talda [taipa] Sulle enne üldä, et Villigä Madüs ka tuud samma juttu õdagu Tammi puul palvusõl lõigas, et Henu ollõv õks hobõsid viijen ekkõ sadanu ja vällä uppunu."
"Ala [ärq] sakka tütruk Hip sääräst samma hüppä juttu tougadu niu mu Hip."
"Kasigõ mõlõmba ussõ ja laskõ Henul ellä!"
(H I 2, 597/8, P. Fr. Kõiv, 1889)
Vanasõnno
Ei olõq enämb vana aig, ei süvväq enämb silgupäid.
This article uses material from the Wikipedia Võro article Harglõ kihlkund, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksti või pruukiq litsendsi CC BY-SA 4.0 perrä, ku olõ-õi tõisildõ üteld. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Võro (DUHOCTRUNGQUOC.VN) is an independent company and has no affiliation with Wiki Foundation.