Amisiq
Amisiq (inglüse keelen Amish) om päämädselt Ameeriga Ütisriigen elläv traditsioonilist elostiili pitäv etniline rühm ja kristlik usolahk.
Amisiq ommaq tunnõduq tuu poolõst, et inämbüisi ei pruugiq nä säänest muudsat teknoloogiat nigu eelektri, telefon ja autoq. Pall'oq näide kombõqommaq peri 17. aastagasaa lõpust.
Periolõminõ ja usk
Tegemist om karmi protõstantligu usolahoga. Amisiq ommaq süvembähe peri S'aksamaalt ja Sveidsist.
Elostiil
Amisiq püüdväq eitäq täämbädse päävä ütiskunda ja eläseq nii nigu eleti mitu aastagasata tagasi.
Amissidõ eloviit sääd Ordnung, kirotõduidõ ja kirotamaldaq riiglide kogo.
Amisiq olõ-õi siski askeetliguq. Nä eläseq aktiivsõt seltskundlist ello ja pidäväq pitõ, laulvaq pall'o ja sööväq häste. Mõnõn kogokunnan om lubat ka alkohol ja tubak.
Kiil
Amissidõ kõnnõkiil om Pennsylvania s'aksa kiil (Pennsylvania Deitsch), miä om kujonuq Pfalzi s'aksa keelest. Äri ajamisõs kõnõlõsõq nä mitteamissidõga inglüse kiilt.
Välälingiq
- Artikli Eesti Ekspressin (eesti keelen)
- Amissidõ aoluust, usost ja elo pääle kaemiisist (inglüse keelen)
This article uses material from the Wikipedia Võro article Amisiq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksti või pruukiq litsendsi CC BY-SA 4.0 perrä, ku olõ-õi tõisildõ üteld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Võro (DUHOCTRUNGQUOC.VN) is an independent company and has no affiliation with Wiki Foundation.