جتياح روسي د ؤكرانيا د 2022

هاد لهجمة كاتّعتابر أكبر هجمة عسكارية تقليدية ف ؤروپا من لحرب لعالمية جّاوجة.

جتياح روسي د ؤكرانيا د 2022
معلومات أساسية
نوع د لمطايفة	حرب، عملية عسكرية، هجوم، غزو، undeclared war، نزاع دولي، حرب عدوانية و حرب دينية
طرف من	لحرب رّوسو-ؤكرانية
لبلدان لمعنية	ؤكرانيا، جمهورية لوڭانسك شّعبية، جمهورية دونيطسك شّعبية، روسيا، بيلاروسيا، Kherson State و Zaporozhye Oblast (state)
لموضع	أوروبا الشرقية، ؤكرانيا، روسيا و قريميا
سبب موباشير	Right of Collective Self-defense
تاريخ د لبدية	24 فبراير 2022
لمشاركين	روسيا، بيلاروسيا، جمهورية دونيطسك شّعبية، جمهورية لوڭانسك شّعبية، ؤكرانيا، القوات المسلحة الأوكرانية، القوات المسلحة الروسية، الفيلق الدولي للدفاع الإقليمي عن أوكرانيا، الفيلق الجورجي (أوكرانيا) و Russian irregular forces during the 2022 Russian invasion of Ukraine
ساحات ؤ معارك	هجوم شرق أوكرانيا، هجوم جنوب أوكرانيا، هجوم شمال شرق أوكرانيا، الهجوم الأوكراني المضاد في خاركيف 2022، الضم الروسي لجنوب أوكرانيا وشرقها، Russian strikes against Ukrainian infrastructure، جرائم الحرب خلال الغزو الروسي لأوكرانيا 2022، attacks in Russia during the Russian invasion of Ukraine، هجوم خيرسون المضاد 2022، Belarusian and Russian partisan movement، هجوم كييف 2022، Q117531310 و الهجوم الأوكراني المضاد 2023
عاداد ضّحايا	42,295
مسبوقة ب	لأزمة روسو-ؤكرانية د 2021 ؤ 2022
معلومات إضافية
أهم لأحدات	حصار ماريوبول، مذبحة بوتشا، أزمة محطة زاباروجيا للطاقة النووية، معركة تشيرنوبل، تفجير جسر القرم 2022، 2022 Russian mobilization، تدمير سد كاخوفكا و الضم الروسي لجنوب أوكرانيا وشرقها
نتائج	ردود الفعل الدولية على الغزو الروسي لأوكرانيا 2022، أزمة اللاجئين الأوكرانيين، التأثير الاقتصادي للغزو الروسي لأوكرانيا 2022، solidarity concerts for Ukraine، 2022 Russian mobilization، Call Russia، الاستفتاءات في أوكرانيا المحتلة 2022، التهديدات النووية خلال الغزو الروسي لأوكرانيا 2022، علاقات فنلندا وحلف شمال الأطلسي، Q117749106، attacks in Russia during the Russian invasion of Ukraine، العقوبات الدولية خلال الغزو الروسي لأوكرانيا 2022، تمرد مجموعة فاغنر، Wagner Group–Russian Ministry of Defence conflict و accession of Finland and Sweden to NATO

لهجمة كان سبقها تعزيز د لقوات رّوسية على لحدود بيناتهوم من لبدية د 2021. على حساب رّايس د روسيا ڤلاديمير پوتين، هاد لهجوم جا كا رد على تحركات د نّاطو لي "باغي يتوسع جيهت شّرق ؤ يحاصر روسيا". لوزير لمنتدب د وزارة لخارجية رّوسي سيرݣي ريابكوڤ ݣال بلي روسيا خاصها تمنع ب أي شكل باش ؤكرانيا تدخل ف تّحالف د نّاطو. شي يامات قبل جّتياح، روسيا عتارفات ب جوج جمهوريات ف لأراضي د ؤكرانيا، لي هوما جمهورية دونيطسك شّعبية، ؤ جمهورية لوݣانسك شّعبية، لي بجوجهوم جاو ف مناطق د ؤكرانيا ب أغلبية روسية. ؤ لجيش رّوسي كان ديجا دخل ل منطقة ضونباس ف شّرق د ؤكرانيا من 21 فبراير.

معا 5 د صّباح ف تّوقيت لمحلي (6 د صّباح ف موسكو) رّايس د روسيا ڤلاديمير پوتين عطا أوامر باش تبدا عمليات عسكارية لي تجلّات ف صوارخ تسيفطو على مناطق ؤكرانية، منهوم لعاصيمة كييڤ. سّربيس د لحدود لؤكراني علن بلي لمكاتب ديالو على لحدود معا روسيا ؤ بيلاروسيا تم لهجوم عليهوم. ساعتاين موراها، لقوات لبرية رّوسية بدات جتياح. رّايس د ؤكرانيا ڤولوديمير زيلينسكي علن على حالة د لحرب، ؤ قطع لعلاقات معا روسيا بشكل رسمي. جّتياح رّوسي تلقّا ردود فيعل قوية من بزاف د دّوال، منها إدانة كبيرة ؤ عقوبات قتيصادية على روسيا. ف نفس لوقت، سّلطات رّوسية عتاقلات مئات د نّاس ف لحتيجاجات ضد لحرب لي طراو ف بزاف د لمدون ف روسيا مورما بدات لهجمة. بعض لبلدان لأعضاء د نّاطو بداو كيعطيو سّلاح ؤ لماطيرييل ل ؤكرانيا، مي لمونضامة براسها ماعاوناتش ؤكرانيا بشكل رسمي، من غير تقوية دّفاع د لبلدان لي حداها. كتر من 6,2 مليون د لؤكرانيين هربو من لحرب ل بلدان جارة، لأغلبية عيالات، دراري صغار ؤ شرّاف.

تاريخ

لمنطقة لي دابا كاينة ف ؤكرانيا كانت، ف بزاف د لفترات تّاريخية، تابعة ل لإمبراطورية رّوسية، ؤ أول دولة د رّواسا كانت تأسسات تماك ؤ لعاصيمة ديالها كانت ف كييڤ، لي دابا عاصيمة د ؤكرانيا. عبر قرون د زّمان ستاقلات ؤكرانيا ل مدة شحال من مرة (متلاً فاش طاحت ف يد لمنݣول ف لقرن 13)، ؤ عاود رجعات. ف لقرن 20، لينين كان تخلّا على ؤكرانيا ؤ مناطق خرين ل صالح ألمانيا ف لوقت د لحرب لعالمية لّولة، باش يركّز على لوضعية ف دّاخل لي كانت متأزّمة، ؤ عاود رجعات كا وحدة من 11 دولة تابعة ل ليتيحاد سّوڤياتي، حتال 1991 فاش ستاقلات بشكل كامل مرة خرة. ب سباب لقرب لجغرافي ديالها من غرب ؤروپا، ؤكرانيا عندها تأتير غربي تقافي ؤ فيكري كبر، ؤ هيّا عكس روسيا دولة ديموقراطية بحال بزاف د لبلدان د لغرب. تاريخياً، كان تّأتير لغربي، سوا ف لفيكر ؤلا تّقافة ؤلا طّيكنولوجيا كيجي ل روسيا ديما من ؤكرانيا.

مورما طاح ليتيحاد سّوڤياتي، لعلاقات بين روسيا ؤ ؤكرانيا بقات مستامرة. ف 5 دجنبر 1994، ؤكرانيا قبلات باش تّخلا على سّلاح نّووي ديالها، موقابيل باش روسيا، بريطانيا ؤ لميريكان يضمنوها ضد تهديدات ل سّتيقلالية سّياسية ؤ سّيادة ديالها. فاش روسيا ضمّات قريميا ف 2014، تّعتابر هادشي خرق ل لموعاهدة د بوداپيست ؤ تعدي على سّيادة د ؤكرانيا.

تّورة لّيمونية ف ؤكرانيا

ف 2004، ڤيكطور يانوكوڤيتش، لي كان لوزير لّول د ؤكرانيا، ربح نّتيخابات رّئاسية. من بعد لمحكمة لعالية د ؤكرانيا خرّجات حكم قضائي بلي نّتيخابات كانت مزوّرة، ؤ تّلغاو نّتايج. لؤكرانيين خرجو ف موضاهرات لي حتجو فيها على تّزوير ؤ دعمو لمنافس ديالو ڤيكطور يوشتشينكو. هاد لّخر ف لوقت ديال لأحدات لي تسمّات "تّورة لّيمونية"، بدا كيمرض، ؤ تبيّن من بعد بلي تعرّض ل تسمم ب ديوكسين. يوشتشينكو تّاهم روسيا ب تّسميم ديالو. ف 2010، يانوكوڤيتش ربح نّتيخابات رّئاسية ؤ بقا رايس د ؤكرانيا حتا تحيّد من لمنصب ديالو ف 2014 ب سباب حتيجاجات شعبية.

لحرب رّوسوؤكرانية (2014)

 

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

قبل جّتياح

شهورا قبل جّتياح رّوسي، كانت روسيا كاتبلاصي لعساكريا ديالها على لحدود معا ؤكرانيا، ؤ بزاف د لبلدان كانو متخوّفين بلي پوتين باغي يبدا حرب.

 

24 فبراير

ف 24 فبراير، شوية قبل من 6 د صّباح ف موسكو، پوتين علن على "عملية عسكارية خاصة" ف شّرق د ؤكرانيا. ف لإعلان ديالو، پوتين ݣال بلي ماعندوش نية باش يحتل ؤكرانيا، ؤ بلي كيحتارم لحق د لؤكرانيين باش يحكمو راسهوم ب راسهوم. ؤ زاد بلي هاد "لعملية" لهدف ديالها هوّا باش "تحمي نّاس" ف لمنطقة د ضونباص لي فيها أغلبية ناطقة ب رّوسية. لي، على حساب پوتين "عاناو ف 8 سنين لّخرة من لحݣرة ؤ لإبادة من طاراف لحوكومة د كييڤ". بعد دقايق من لإعلان ديال پوتين، خرج لخبار على نفيجارات ف كييڤ، خاركيڤ، ؤديسا، ؤ ضونباص.

نيشان مورا لهجوم رّوسي، رّايس د ؤكرانيا ڤولوديمير زيلينسكي، علن على لحالة د لحرب ف ؤكرانيا. ف نفس نّهار ف لعشية، ديكلارا بلي جميع رّجال لي عمرهوم ما بين 18 ؤ 60 عام خاص يتم تّجنيد ديالهوم باش يدافعو على لبلاد.

لعساكريا رّوس دخلو من 4 د جّوايه: شّمال من بيلاروسيا ف تّيجاه كييڤ، شّمال شّرقي من روسيا ف تّيجاه خاركيڤ، شّرق من دونيتسك ؤ لوݣانسك، ؤ من لجنوب من قريميا لي كانت روسيا ضمّاتها قبل.

لجيش رّوسي رسم رّمز Z (حرف لاتيني) على دّوزان ؤ لمركوب لعسكاري ديالو، غالبان باش مايتيريوش لعكساريا رّواسا على بعضياتهوم.

25 فبراير

 

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

26 فبراير

 

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

27 فبراير

 

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

لمؤسسات الدولية

•   ناطو: ندد لأمين لعام د حيلف نّاطو، ينس سطولطنبيرݣ، ب لعدوان رّوسي ف 24 فبراير، و وصفو بلي هجوم خايب كايهدد لحياة ديال بزاف د لمدنيين. و زاد قال بلي لأعضاء ديال نّاطو هايتلاقاو "باش إتعاملو معا تداعيات لإجراءَات لعدوانية د روسيا".
•   لمونضامة د دّوال لأمريكية: خرجات لمونضامة د دّوال لأمريكية واحد لبيان بينات فيه بلي مامتافقاش معا لغزو رّوسي و قالت عليه بلي "جريمة دولية كبيرة" حيت عتابراتو "عتداء على لأمن ديال لبشرية و سّلامة ديالها، و حتا على لعلاقات لحضارية بين لبلدان".
•   لمجلس ديال ؤروپا: تمنعات روسيا من لمشاركة ف هاد لمونضامة من 25 فبراير.
• لمونضامة د تّعاون لقتيصادي ؤ تّنمية: علنات لمونضامة د تّعاون لقتيصادي ؤ تّنمية ف 25 فبراير 2022 بلي تحبسات لعملية ديال لينضمام د روسيا، و سدات لبيرو ديالها ف موسكو.

ميريكان

•   كاناضا: ف 24 فبراير سّفير ديال لأمم لمتحدة بوب راي قال بلي كان "هجوم ماعندوش تبرير و مخفي" من طرف عضو ف مجلس لأمن التابع ل لأمم المتحدة. رئيس لووزارا لكانادي دجاستن طرودو قال نيابة على بلادو بلي ماعجبوش لهجوم الروسي، و ݣال بلي راه نتهاك د لحقوق سّيادية ديال ؤكرانيا و لأراضي ديالها.
•   لميريكان: ف 24 فبراير الرئيس لميريكاني جو بايدن قال بلي "لهجوم ماعندو حتا مبرر و موسكو بوحدها لي كاتحمّل مسؤولية ديالو"