ڭروپ ڤاڭنر

لڭروپ ڤاڭنر كان مخدّم لقلدة التحتانية لعسكارية ديال الجيش د روسيا، و كاينين أدلة بلي لهدف د لڭروپ كان باش لحوكومة الروسية تهرّب من لمسؤولية ديالها و تغطّي على لأعداد لحقيقية د الناس لي تقتلو بسباب تدخلات روسية على برّا (سياسة لإنكار).

ڭروپ ڤاڭنر
معلومات أساسية
نوع د لمؤسسة	شركة عسكرية خاصة، قوات شبه عسكرية، منظمة مسلحة، منظمة إجرامية و منظمة إرهابية
لبلاد	روسيا
لموضع	سان پيطيرسبورڭ و Molkin
لمؤسس	ييڤڭيني پريڭوجين و دميتري أوتكين
تاريخ د تّأسيس	1 ماي 2014
رئيس	دميتري أوتكين
سّيت رّسمي	wagnercentr.ru
معلومات إضافية
تسمّات على	دميتري أوتكين

هاد لڭروپ بان ف لحرب د ضونباس ف ؤكرانيا ف 2014 و 2015، لي كان عاون فيها لقوات لي كاتساند روسيا. و كان عندو دور كبير ف الجتياح الروسي د ؤكرانيا من 2022، لي ضمّات فيه محابسيا رواسا باش يحاربو ضد ؤكرانيا. معا اللخر د 2022، كان لعدد د لعساكريا د لڭروپ داز من 1000 تال مابين 20000 و 50000. لڭروپ ڤاڭنر دعم تا بلدان صديقة د روسيا ف لحروب ديالها، بحال لحرب ف سوريا، ليبيا، جمهورية إفريقيا لوسطانية، و مالي. ف إفريقيا، لڭروپ عطا سربيس ديال لأمن موقابيل باش كونطرات د مناجم الدهب و الماس يتّعطاو ل شركات روسية. لأعضاء د لڭروپ توجهو ليهوم توهام ديال جرايم د لحرب بحال لقتيلة، التعديب، لغتيصاب، و الشفرة د لممتلكات ديال لمدنيين، زيادة على تعديب و قتيل لأعضاء لقدام ديالهوم لي قررو يخرجو من لڭروپ.