ييڤڭيني پريڭوجين

كان كيسيّر لڭروپ ڤاڭنر، و كان حليف ديال الرئيس د روسيا ڤلاديمير پوتين تال يونيو 2023، فاش تمرّد عليه. پريڭوجين شي مرات كان كيتسمى "الطباخ د پوتين" حيت ف ملكو شركات ديال لماكلة و الريسطوات لي كاتموّن لكريملين. على حساب دراسة تدارت ف 2020، الشركات ديال پريڭوجين عندها علاقة قوية معا وزارة الدفاع و لمخابرات لعسكارية د روسيا. ف 2014، على حساب بعض لمصادر، پريڭوجين أسس لڭروپ ڤاڭنر باش يدعم لميليشيات لي كاتساند روسيا ف لحرب د ضونباس. ب دعم مادي من لحوكومة الروسية، لڭروپ لعب دور كبير ف الجتياح الروسي د ؤكرانيا د 2022 و دعم لمصالح د روسيا ف سوريا و إفريقيا. ف نونبر 2022، پريڭوجين عتارف بلي الشركات ديالو تدخلات ف النتيخابات د لميريكان. ف فبراير 2023، أكّد بلي هوّ لمؤسس و لمدير ديال لاجونص د لأبحات د أنتيرنيت Internet Research Agency، لي هيّ شركة روسية معروفة ب دورها ف نشر لخبار لمزوّرة و لپروپاڭاندا ف أنتيرنيت.

ييڤڭيني پريڭوجين
معلومات عامة
زيادة	1 يونيو 1961 سان پيطيرسبورڭ
لموت	ر. 23 غشت 2023 (62 عام) Kuzhenkino
طريقة دلموت	موت عرضي و قتيلة
سباب لموت	حادث طيران
لجنسية	روسيا (1991–2023) لإتحاد السوڤياتي (1961–1991)
لحرفة	صاحب مطعم، تريتور، بياع وشرّاي، عساكري ب لخلصة، قايد عسكري، مول ؤطيل، رسام توضيحي و ملايري
لّوغات لي كيعرف	روسية
لكاريير ديال الشخص
شارك ف	التدخل الروسي في انتخابات الولايات المتحدة 2016
لفاميلة
لواليدة	Violetta Prigozhina
شريك	Lyubov Prigozhina (–2023)
لولاد	Polina Prigozhina Pavel Prigozhin Veronika Prigozhina
لمحيط	Efim Prigozhin (خو لجدّ)
لعسكر
لحروب	جتياح روسي د ؤكرانيا د 2022 و تمرد مجموعة فاغنر
لجوايز	(يونيو 2022)  بطل الاتحاد الروسي (2022)  Corrupt Person of the Year (2020)  وسام النيلين (22 ماي 2014)  نيشان الاستحقاق الوطني في روسيا من الدرجة الرابعة  ميدالية تخليد ذكرى أبطال الوطن  نيشان الاستحقاق لجمهورية إفريقيا الوسطى  ميدالية القائد خروليوف  نيشان التقدير  النيشان الوطني لبوركينا فاسو  ميدالية استرداد القرم  Ordre de la Réconciliation de la République centrafricaine  شارة التميز للخدمات المقدمة إلى بطرسبرغ  ميدالية تمتين أخوة السلاح  وسام الصداقة الروسي  نيشان الاستحقاق العسكري  ميدالية ذكرى مرور 300 عام على تأسيس سانت بطرسبرغ  ميدالية ترتيب الاستحقاق الوطني في روسيا الدرجة الأولى  ميدالية ترتيب الاستحقاق الوطني في روسيا الدرجة الثانية  وسام الجمهورية (السودان)  بطل جمهورية دونيتسك الشعبية  نيشان ألكسندر نيفسكي  بطل الجمهورية لوهانسك الشعبية  نيشان الشجاعة  وسام الشجاعة

الشركات د پريڭوجين و هوّ براسو قبل مايموت، كاينين ف ليستات د لعقوبات ديال بزاف د لبلدان لغربية، قبل و سيرتو من مورا الجتياح د روسيا ل ؤكرانيا ف 2022. لإف بي أي كان علن على جايزة د 250.000 دولار ل أي واحد عطا معلومة كاتأدي ل لإعتقال ديالو.

پريڭوجين نتاقد وزارة الدفاع د روسيا بشكل عمومي، و ڭال بلي لأسباب د لحرب لي علنات عليها على ؤكرانيا كانو كدوب. ف 23 يونيو 2023، دار تمرد على لحوكومة د روسيا و كان الجيش ديالو ساير كيزحف على موسكو. نهار موراها، وقّف التمرد، و وافق باش يحوّل الجيش ديالو ل بيلاروسيا. ف 23 غشت، شهراين بضّبط مور التمرد، طاحت طيارة لي كان راكب فيها معا 9 د الناس خرين، ف جوايه الشمال د موسكو، و لخوبارا كيڭولو بلي السباب غالباً كان قنبولة ف الطيارة.