Vuk

Esti artícalu es un encetu

Vuk es una penícula animá produzía pol estudiu Pannónia Filmstudio en 1981. La penícula hue derigia por Attila Dargay i escritu por Attila Dargay, István Imre, i Tarbay Ede, basá nel libru omónimo espublicau en 1965 pol utol húngaru István Fekete (1900-1970).

La estória gira en tornu a el zorru Vuk. Hue comercializau enos paisis de luenga ingresa comu The Little Fox (El pequeñu zorru) i en España comu Vuk, un zorrito muy astuto (Vuk, un zorritu mui astutu).

La penícula cuenta la estoria dun jovin i pequeñu zorru llamau Vuk (Vic ena vesión ingresa), que si aventura huera dela hura dela su familia i, al su regresu, descubri que toa la su familia á desaparecíu. Karak, el su tíu, le encuentra i decedi no contal-li que la su familia hue despará i muerta por un caçaol umanu. Comu Vuk perdió ala su familia, Karak si ofreci a cudial-lu.

Al crecel, Vuk si convierti nun zorru estutu i enteligenti. Siendu un zorru adultu, si adentra'n casa'l caçaol, ondi atopa cuna zorra llamá Foxy cautiva nuna jaula. Él trampa alos perrus guardianis i otrus animalis, assín comu al caçaol para soltal a Foxy i escapal.

Foxy s'ajunta a Vuk i Karak nel bosqui, peru Karak es desparau por umanus duranti una caceria. Debíu a estu, Vuk jura vengança i astúa, engardillandu alos perrus del caçaol i, al final, al caçaol. Nel acabaeru dela penícula, Vuk i su agora mugel Foxy, tienin perrinus.

• El zorru i'l sabuesu

• Vuk, un zorritu mui astutu - Filmaffinity (español)