Mari Egeu
El mari Egeu (en griegu Αιγαίο Πέλαγος, Egeo Pèlagos; en turcu Ege Denizi) es una destensión del mari Mediterrániu assitiá entri Grecia i Anatolia.
La parti d'arribota d'esti mari, que baña las costas de Tracia, Macedonia i el nor-oesti de Turquía se llama Mari de Tracia. El cachu assitiau entri las Islas Cícladas i la Península'l Peloponesu se llama Mari de Mirtus. El cachinu de mari qu'ai al norti dela Isla de Creta es mentau comu Mari de Creta.
Etimología
Ain destintas teorías que tentan de desprical el motivu'l nombri d'esti mari:
- Dimana del'antiga cidá i capital del Reinu de Macedonia Àigai.
- Dimana dela reina delas diosas amazonas, Egea, que hue muerta n'esti mari.
- Dimana d'Egeu, pairi de Teseu, que s'avançó ala mari de cabeça, en pensandu que'l su iju vía muertu.
Estoria
El mari Egeu hue'l briçu delas cevilizacionis minoica i micénica alo primeru, i endispués dela cevilización griega. Hue'l escenariu d'una tupa de batallas en toas las epocas dela estoria, dendi las guerras cevilis entri los estaus-cidais griegus dela Antigüedá, hasta los luchis entri otomanus i venecianus ena Edá Moerna. Es un puntu mu emportanti a nivel estratégicu vistu dendi la política entrenacional, huendu l'enlaci entri'l sul d'Uropa i l'Asia ocidental.
This article uses material from the Wikipedia Estremeñu article Mari Egeu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.