Sistema Circulatoriu

Esti artícalu es un encetu

El sistema circulatoriu o aparatu circulatoriu​ es un sistema de transporti internu que gastan los seris vivus pa trasladal dentru del su organismu elementus nutritivus, metabolitus, oxígenu, dióxiu de carbonu, ormonas i otras sustancias. Existi tantu enos vertebraus cumu ena mayoría delos invertebraus anque la su estrutura i hunción tien considerablis variazionis dependiendu del tipu de animal.​

Nel sel umanu el sistema circulatoriu está constituiu pol un fluiu que se llama sangri, un conjuntu de condutus (arterias, venas, capilalis) i una bomba empulsora que es el coraçón. El coraçón es una estrutura musculal que se contrai regulalmenti i mantieni la sangri en constanti movimientu dentru delos vasus sanguíneus. La sangri contien glóbulus rojus ricus en emoglobina que transportan el ossígenu hata toas las células del cuerpu. El sistema linfáticu hormau polos vasus linfáticus que conduzin un líquiu llamau linfa endi el espaciu intersticial hata el sistema venosu tamién horma parti del sistema circulatoriu.

Las presonas i tous los mamíferus disponin dun sistema circulatoriu dobli, la parti derecha del corazón empulsa la sangri en ossígenu a travis dela arteria pulmonal hazia los pulmonis pa que se ossigeni (circulación pulmonal), mentris la parti esquierda del corazón destribuyi la sangri ossigena hata los tejius a travis dela arteria aorta i las sus múltiplis ramificazionis (circulación sistémica).