El ISSN (International Standard Serial Number, Númiru Entrenacional Normalizau de Pubricacionis Seriás) es un cóigu d'ochu dégitus entrenacional que se gasta pa entifical pubricacionis pedióricas i recussus de continu de tolas crassis i editau en qualquiel soporti, que puein sel emprimius en papel o en hormatu degital, evitandu'l trebaju i possiblis marrus de trascrevil el títulu o la enteración biblográfica ala que perteneci.
Reservau palas pubricacionis conrelativas comu los diarius i las pubricacionis pedióricas. El ISSN es mayolmente aparenti pa destenguil dentri pubricacionis seriás col mesmu títulu. Los ISSN se gastan pa acolocal, catalogal, empréstamis entrebiblotecarius i otras pláticas relacionás cona literatura seriá. El sistema ISSN se redató por primel ves comu norma entrenacional dela Organización Entrenacional de Normalización (ISO) nel 1971 i se pubricó comu ISO 3297 nel 1975. El subcomité ISO TC 46/SC 9 es responsabli de mantenel el normal. El ISSN premiti normalizal las crassificacionis, enas biblotecas pol exempru. En librus se gasta'l Númiru Normalizau Entrenacional del Libru (ISBN, International Standard Book Number).
ISSN | ||
---|---|---|
Tipo | identificador de publicación, medio de comunicación y norma técnica | |
Sitio web | www.issn.org | |
El ISSN está costituiu polos caraitis "ISSN" seguíus de dos grupus de quatru cifras desseparás por guionis. La cifra cabera, situá ena otava posición, es la llavi de mandu; puei angunas vezis tenel el valol "X", qu'es el númiru diés.
Pol contrariu al ISBN, las cifras del ISSN no senifican na ena ralidá. Son assisnás de horma secuencial, sin tenel que vel col país d'origi, dela luenga, o algu assina. En ca ISSN ai un títulu-llavi, assín comu una fecha del prencipiu dela pubricación. La fecha del acaberu es polo general "9999". El títulu-llavi está hormau pol nombri dela pubricación i possimenti pol lugal de pubricación.
El ISSN entifica sin marrus una pubricación seriá, i puei cumpril dentri otras, las siguientis huncionis:
S'assisna una ponderación a ca postura (de 8 a 2 nel sentiu decrecienti) i se hazi la suma delos produtus assina agenciaus. Se conserva'l restu dela división euclídea d'esti númiru por 11. Se resta esti númiru a 11: es la llavi.
Exempru: ¿Pal númiru ISSN (de 7 cifras) ISSN 0395-203, quál es la llavi de mandu?
Código ISSN | 0 | 3 | 9 | 5 | 2 | 0 | 3 |
---|---|---|---|---|---|---|---|
Ponderación | 8 | 7 | 6 | 5 | 4 | 3 | 2 |
Producto | 0 | 21 | 54 | 25 | 8 | 0 | 6 |
Lo que hazi un total de 0+21+54+25+8+0+6=114, cuyu restu dela división euclídea por 11 es 4 (114/11=10x11+4). La llavi de mandu es 11-4=7. El ISSN compretu es: ISSN 0395-2037.
El ISSN-L (del ingrés Linking ISSN) es un númiru específicu únicu del ISSN qu'apenusga las deferentis edicionis duna mesma pubricación seriá, pubricás en mas dun meyu o soporti, comu en papel, en liña, en CD i mas, ca una delas qualis tién assisnau'l su propiu ISSN. El númiru de ISSN-L es unu delos númirus ya essestentis de ISSN assisnau ala pubricación, concidenti col dela versión en papel si la ai.
This article uses material from the Wikipedia Estremeñu article ISSN, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.