Xavier Vinader Sánchez (Sabadell, Bartzelona, 1947ko otsailaren 17 – Bartzelona, 2015eko apirilaren 9) kazetaria, 1978tik Grupo Zeta taldeko partaidea, Mugarik Gabeko Kazetarien elkarteko lehendakaria 1993.urte arte, eta PSUC alderdiaren militantea, ezaguna egin zen Interviú aldizkarian Euskal Herrian aritzen ziren eskuin-muturreko taldeak eta hauek Espainiako poliziarekin zituzten harremanak salatzeagatik.
1979an militante horien zerrenda bat argitaratu zuen eta, handik gutxira, ETA erakundeak horietako bi hil zituen. Ondorioz, Vinader epaitua eta espetxeratua izan zen. 2007an Kataluniako Generalitateak San Jordi Gurutzea eman zion, herri horren ohore handienetarikoa. 2015ean neumoniaz Bartzelonako Vall d’Hebrón ospitalean hil zen.
Xavier Vinader | |||
---|---|---|---|
(2012) | |||
1990 - 1993 | |||
Bizitza | |||
Jaiotza | Sabadell, 1947ko otsailaren 17a | ||
Herrialdea | Katalunia | ||
Bizilekua | Sabadell | ||
Heriotza | Bartzelona, 2015eko apirilaren 9a (68 urte) | ||
Heriotza modua | : pneumonia | ||
Hezkuntza | |||
Heziketa | Madrilgo Kazetaritzako Eskola Ofiziala | ||
Hizkuntzak | katalana gaztelania | ||
Jarduerak | |||
Jarduerak | kazetaria eta idazlea | ||
Enplegatzailea(k) | El Temps El Correo Catalán (en) (1975 - 1975) Interviú (1978 - 1998) COM Ràdio (en) (2003 - 2003) | ||
Lan nabarmenak | |||
Jasotako sariak | ikusi
| ||
1980ko urtarrilean ETAk Alfredo Ramos eta Jesús García hil zituen. Biak Vinader argitaratutako eskuin muturreko aktibisten zerrendan agertzen ziren. Antza denez, Vinaderrek aurretik ezagunak ziren informazioak bildu zituen baina, hala ere, heriotz horien eragile bezala auziperatua izan zen. Horrela gauzak, kazetariak penintsulatik ihes egin zuen. 1981ko azaroaren 7an itzuli zen eta Audientzia Nazionalak, Ricardo Varón epailaren eskutik, errudun hartuta, zazpi urteko espetxe zigorra ezarri zion. Ondorioz, adierazpen askatasunaren aldeko kanpaina zabaldu zen. Azkenik, 1984an, Felipe Gonzálezen gobernuaren barkamena jaso zuen. Vinader kasuak Pepe Rei kasuarekin antzekotasun handia du.
This article uses material from the Wikipedia Euskara article Xavier Vinader, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.