Artikulu hau hobetzeko lanean ari da Gargamel Gaiztoa lankidea. Hori dela eta, beharbada hutsuneren batzuk izango dira edukian edo formatuan.Mesedez, aldaketa handi bat egin baino lehen, eztabaida ezazu haren lankide orrian edo artikuluaren eztabaida orrian, erredakzioa koordinatzeko. |
Shirley Souagnon (Clichy, Senako Gainak, 1986ko urriaren 3a) aktore eta komiko frantsesa da , . 2008an stand-up motako umorezko saioetan hasi zen eta bi urte berantago arrakasta lortu zuen On n'demande qu'à en rire telebista programan parte hartzeari esker.
Shirley Souagnon | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Bizitza | |||||||||||||||||||
Jaiotza | Clichy, 1986ko urriaren 3a (37 urte) | ||||||||||||||||||
Herrialdea | Frantzia | ||||||||||||||||||
Lehen hizkuntza | frantsesa | ||||||||||||||||||
Hezkuntza | |||||||||||||||||||
Hizkuntzak | frantsesa | ||||||||||||||||||
Jarduerak | |||||||||||||||||||
Jarduerak | aktorea, bakarrizketalaria eta radio columnist (en) | ||||||||||||||||||
| |||||||||||||||||||
Enplegatzailea(k) | RTL (en) Europe 1 (en) Mouv' (en) | ||||||||||||||||||
shirleysouagnon.com | |||||||||||||||||||
|
Shirley Souagnon Clichy- n sortu zen . Bere gurasoek frantziar eta boli-kostar jatorria dute. Leku aldaketa anitz bizi izan zituen, Asnières-sur-Seinen hasi eta Flèchen bukatu, bidean Pikardiatik, Londresetik edo Savigny-le-Templetik iraganez. Azken herri honetan kolegioko urte guztiak egin zituen. Ondotik, Melungo Leonardo da Vinci (Edouard Branly) lizeoan sail zientifikoan egin zituen ikasketak.
Saskibaloian gogotsu jokatu zuen hamar urtez eta Houston, Texaseko , Madison High School- eko saskibaloi taldean urtebetez jokatu zuen 17 urte zituela .
Shirley telebistan lehenengo aldiz 8 urte zituela agertu zen 96ko Europako Kopako iragarki batean eta Navarro telesaileko atal batean .
Frantziara itzuli zelarik, antzerkian hasi zen lehenik eta gero umorera pasa zen. 2006an bere lehen esketxa idatzi zuen eta bere lehen umorezko ikuskizuna, Sketch Up!, 2008an antzeztu zuen Pariseko Théâtre Le Bout-en. Arrakasta biltzen hasi zen Pliés en 4 France 4 kateko telesaioan, Paris fait sa Comédie-n eta Youhumour jaialdian parte hartu ondotik. La Route du Rire irabazi zuen 2009an , eta gero Prix Jeune Talent de l'année 2010 (euskaraz, 2010eko Gazte Talentuaren Saria) "Umorea" sailean . 2010ean Jamel Comedy Club taldean sartu zen eta Comedy Club Live- n parte hartu zuen zutabegile gisa Mouv ' irratian. Franck Dubosc-en lehen zatia antzeztu zuen Olympian 2010ko urriaren 1etik 9ra eta 2010eko azaroaren 8an Ni putes ni soumises mugimenduak antolaturiko galan parte hartu zuen.
2010eko irailaren 14tik azaroaren 24ra 6 aldiz parte hartu zuen On n'demande qu'à en rire France 2 kateko telesaioan, hautagai gisa.
Montreux-ko Barre Jaialdian jokatu zuen 2010eko abenduan.
2011ko otsailaren 5etik aurrera, Shirley zutabegilea izan zen Europe 1 irrati kateko Samedi Roumanoff astekarian . Ikuskizuna 2014an gelditu zuten. 2011ko uztailean, lehenengo aldiz parte hartu zuen Montrealgo Just for Laughs jaialdian .
2011ko irailaren 20an On n'demande qu'à en rire telesaioko bigarren denboraldira itzuli zen eta halako arrakasta lortu zuen 21 aldiz pasa zela, eta hirugarren denboraldian ere parte hartu zuen bi aldiz, 2012ko urriaren 9an uztea erabaki arte. Orotara 30 aldiz pasa zen telesaio horretan.
Sketch Up ikuskizuna ia urtebetez antzeztu zuen Théâtre de Dix Heures-en, 2010 eta 2011 artean, ostegunetik larunbatera 20:00etatik goiti.
2012ko martxoaren 31n Sketch Up ikuskizuna lehen aldiz egin zuen La Cigale-n. Comédie de Paris-en afitxa buru gisa ibili zen 2012ko urtarrilaren 15etik ekainaren 25era igande eta astelehenetan. 2012az geroztik frantses estatuko Emakumeen Saskibaloi Ligako babeslea da. Besteak beste, saskibaloia eta umorea uztartzen dituen ikuskizunak ekoizten ditu ligarekin .
Publikoki errana du lesbiana dela, eta garaian pil-pilean zen sexu berekoen ezkontzari buruzko eztabaiden karietara "Gay, gay, gay" izeneko esketx bat sortu zuen.
2014an, Shirley Souagnonek Engrenages telesailean parte hartu zuen , eta aldi berean On Time Productions izeneko bere ekoizpen etxea sortu zuen.
2014ko azaroan, bere bigarren ikuskizuna ekoiztu zuen, umorea eta musika nahasten dituen Free! One Woman Funky Show . Ikuskizunean Krooks, Jérôme Cornelis, Davy Honnet eta Anthony Honnet-ek osatutako taldeak laguntzen du.
2015eko maiatzaren 2tik aurrera, Mieux vaut en rire telesaioa aurkeztu zuen France Ô telebista katean .
2015eko abenduaren 11an, Shirley Souagnon & The Krooks -ek Free! aurkezten dute La Cigale-n, Axe Sud-ekin batera ekoiztuz.
Shirley-k haien lehen EPa On Time Productions konpainiarekin ekoitzi zuen eta 2016ko otsailetik goiti esketx ikuskizun bat emititzen du Afrostream.tv-en Shirley Souagnon Show izenburupean.
2016ko maiatzaren 30ean, RTL taldeko Grosses Têtes- eko kide bilakatu zen Laurent Ruquierrekin batera.
2016ko ekainaren 4an Afropunk jaialdia aurkeztu zuen Fary bere lagun umoretsu gaztearekin.
2016ko ekainetik, umore tailerrak garatzen aritu da Reunion uhartean, eta bertan ikasteko irrikan dauden umoretsu ugari aurkitu zituen. Eskola proiektu bat abian da.
2016ko uztailean, Montrealgo Just For Laughs jaialdian parte hartu zuen Bref, Kyan Khojandi, Yacine Belhousse, Navo, Bérengère Krief taldeekin .
2016ko irailetik, Monsieur Shirley izenburuko bere hirugarren ikuskizuna proiektatzen ari da .
2 .
Shirley Souagnonek 2011ko azaroan Gayvox-Inpes-ek antolatutako HIESaren aurkako kanpaina bati eman zion irudia.
AMREFen (Afrikako lehen osasun publikoko GKE) enbaxadorea da.
2018an Noire n’est pas mon profession lan kolektiboan parte hartu zuen.
This article uses material from the Wikipedia Euskara article Shirley Souagnon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.