Shahla Lahiji (persieraz: شهلا لاهیجی; Teheran, 1942ko apirilaren 24a – ibidem, 2024ko urtarrilaren 8a) irandar idazle, argitaratzaile, itzultzaile eta emakumeen eskubideen aldeko ekintzailea izan zen.
Shahla Lahiji | |
---|---|
Bizitza | |
Jaiotza | Teheran, 1942ko apirilaren 24a |
Herrialdea | Iran |
Heriotza | Teheran, 2024ko urtarrilaren 8a (81 urte) |
Heriotza modua | berezko heriotza: eritasuna |
Hezkuntza | |
Hizkuntzak | persiera |
Jarduerak | |
Jarduerak | kazetaria, itzultzailea, saiakeragilea eta idazlea |
Jasotako sariak | ikusi
|
Soziologian lizentziatu zen Londresko Unibertsitate Irekian. Roshangaran argitaletxea sortu zuen 1983an, Irango lehen emakume argitaratzaile bihurtuz. 2006rako, Roshangaranek emakume egileek idatzitako eta emakumeen arazoei eskainitako 200 lan baino gehiago argitaratu zituen. 2001ean argitaletxeak PEN saria irabazi zuen Ameriketako Estatu Batuetan eta Pandora saria Erresuma Batuan.
2000ko apirilaren 7tik 9ra Berlinen Heinrich Böll Fundazioak bultzatutako biltzar akademiko eta kultural batean parte hartzeagatik auziperatutako 19 idazle eta intelektualetako bat izan zen. Hiru urte eta sei hilabeteko espetxe-zigorra ezarri zioten konferentzian parte hartzeagatik segurtasun nazionala oztopatzea egotzita, eta beste sei hilabete Irango Islamiar Errepublikaren aurkako propaganda zabaltzeagatik. Azkenean zigorra sei hilabetera laburtu zioten.
2024ko urtarrilaren 8an hil zen Teheranen, 81 urte zituela.
This article uses material from the Wikipedia Euskara article Shahla Lahiji, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.