Pedro Iturralde Otxoa (Faltzes, Nafarroa Garaia, 1929ko uztailaren 13a - Madril, 2020ko azaroaren 1a) musikari nafarra izan zen, jazz estilokoa.
Flamenkoa eta jazza uztartu duten lehen musikarien artean dago.
Pedro Iturralde | |
---|---|
Bizitza | |
Jaiotza | Faltzes, 1929ko uztailaren 13a |
Herrialdea | Nafarroa Garaia, Euskal Herria |
Heriotza | Madril, 2020ko azaroaren 1a (91 urte) |
Hezkuntza | |
Heziketa | Madrilgo Goi Mailako Errege-Musika Kontserbatorioa |
Hizkuntzak | gaztelania |
Jarduerak | |
Jarduerak | jazz musikaria, unibertsitateko irakaslea, saxofoi-jotzailea, musikagilea eta musika-irakaslea |
Enplegatzailea(k) | Madrilgo Goi Mailako Errege-Musika Kontserbatorioa |
Jasotako sariak | |
Genero artistikoa | jazza |
Musika instrumentua | saxofoia Klarinetea |
Jazz musikan hasi zen gaztetan eta Europako talde batzuetan jo ondoren, jazz flamenkoa izeneko moldean hasi zen 1968an eta hainbat jazz mota landu zituen harrezkero. Horretarako, "Pedro Iturralde Quartet" taldea sortu zuen.
Espainiako zinemarako musika idatzi zuen (Ramón Comasen Nuevas Amistades, 1963; Gabriel Blancoren La Edad de Piedra, 1967, eta Cualquier mañana, 1968).
Jazz musikaren inguruko lanean segitu zuen, eta bere laukotearekin munduko jazz jaialdi garrantzitsuenetan parte hartu zuen. Bakarlari gisa, Espainiako Orkestra Nazionalarekin eta Asturiaseko Orkestrarekin, besteak beste, aritu zen. Like Coltrane eta Toy konposizioei esker, bi aldiz irabazi zuen Monakoko Nazioarteko Jazz Lehiaketa. 1992an Madrilgo Autonomia Erkidegoaren Musika saria ere eskuratu zuen.
Madrilgo Goi Erret Kontserbatorioan katedraduna izan zen, eta beste unibertsitate eta irakaskuntza zentro batzuetan ere ikastaroak eta mintegiak eskaini zituen, betiere konposizioa, grabazioak eta zuzeneko emanaldiak alboratu gabe.
This article uses material from the Wikipedia Euskara article Pedro Iturralde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.