Nukleosidoa base nitrogenatu baten eta pentosa baten arteko lotura kimikoz eratua den molekula organikoa da.
Basea purikoa edo pirimidikoa izan daiteke, eta pentosa erribosa edo desoxirribosa; horren arabera, erribonukleosidoak edo desoxirribonukleosidoak eratzen dira. Nukleosidoak azido nukleikoen hidrolisi bidez ere lortzen dira. Nukleosido ezagunenak adenosina, zitina, guanosina eta uridina dira. Nukleosido bati azido fosforikoa gehitzen zaionean nukleotido bat agertzen da.
Bi dira nukleosidoen osagaiak:
Purina zein pirimidina benzenoaren deribatuak dira.
Adenina, guanina, zitosina eta timina DNAn daude. RNAn ez dago timinarik, uraziloa baizik.
Nukleosidoak bi motakoak dira: erribonukleosidoak, pentosa erribosa denean (adenosina, guanosina, uridina eta zitidina). Eta desoxirribonukleosidoak, pentosa desoxirribosa denean (desoxiadenina, desoxiguanosina, timidina, desoxiuridina eta desoxizitidina).
Pentosa eta base nitrogenatuaren arteko lotura pentosaren lehenengo karbonotik (C-1) gertatzen da.
Base nitrogenatua | Erribonukleosidoa | Desoxirribonukleosidoa |
---|---|---|
Adenina | Adenosina A | Desoxiadenosina dA |
Guanina | Guanosina G | Desoxiguanosina dG |
Timina | 5-Metiluridina m5U | Timidina dT |
Urazilo | Uridina U | Desoxiuridina dU |
Zitosina | Zitidina C | Desoxizitidina dC |
This article uses material from the Wikipedia Euskara article Nukleosido, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.