Nerea de Diego (Iruñea, 1974) artista eta kultur kudeatzailea da.
Era berean, Arte Garaikideko Uharte Zentroko zuzendarietako bat izana da.
Nerea de Diego | |
---|---|
Bizitza | |
Jaiotza | Iruñea, 1974 (49/50 urte) |
Herrialdea | Nafarroa Garaia, Euskal Herria |
Hezkuntza | |
Heziketa | Euskal Herriko Unibertsitatea fine arts (en) |
Hizkuntzak | euskara gaztelania |
Jarduerak | |
Jarduerak | artista eta unibertsitateko irakaslea |
Parte-hartzailea | |
nereadediego.com |
Euskal Herriko Unibertsitatearen Leioa-Erandioko kanpusean Arte Ederrak ikasi zituen eta, ondoren, Ikerketa eta Sormena artean masterra gauzatu zuen unibertsitate berean. Gainera, Arte Ederretan doktoratua da eta, 2016 urtetik aurrera, Arte Garaikideko Uharte Zentroko zuzendarietako bat da.
Gaur egun, sorkuntza artistikoa irakaskuntza eta kultur kudeaketarekin uztartzen du.
Bere lan artistikoa marrazkia, argazkilaritza, eskultura, instalazioa, bideoa eta interbentzio artean kokatzen da. Bere ibilbide artistikoan zehar, sari ugari jaso ditu, baita nazioarteko egonaldiak egiteko zeinbait beka ere (Mexikon, Pekinen edo Austrian esaterako). Era berean, erakusketa askotan egon da bere lana ikusgai, kolektiboki zein indibidualki. Azken horien kasuan, azpimarratzekoak dira, besteak beste, Moises Peréz de Albeniz galerian, Mexiko Hiriko May Moré eta ArtSpace-n edota Iruñeako zitadelan izan dituen erakusketak.
Italian egindako egonaldi artistiko baten ondorioz, 1996 urtean, aldare eta monumentu marianoei buruzko interesa izaten hasi zen. Interes horrek, herri-kultuari eta erlijioari buruzko hausnarketak egitera eraman du bere artelan askotan. Bereziki, erritualetan, Maria Birjinaren adorazietan eta hilerri eta aldareetako eskaintzetan zentratu izan da. Eta, ideia horiekin erlazionatuta, bildumazaletasunaren gaiaren inguruan ere egin izan du Nerea de Diegok gogoeta, bere doktore tesian kasu.
This article uses material from the Wikipedia Euskara article Nerea de Diego, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.