Michal Kováč (Ľubiša, Txekoslovakia, 1930eko abuztuaren 5a − Bratislava, 2016ko urriaren 5a) eslovakiar politikaria izan zen, Eslovakiako Errepublikaren lehen presidentea 1993-1998 bitartean.
| Michal Kováč | |||||
|---|---|---|---|---|---|
 | |||||
1993ko martxoaren 2a - 1998ko martxoaren 2a ← baliorik ez - Rudolf Schuster →
1990 - 1992ko abenduaren 31 | |||||
| Bizitza | |||||
| Jaiotza | Ľubiša, 1930eko abuztuaren 5a | ||||
| Herrialdea |  Eslovakia  Txekoslovakia | ||||
| Heriotza | Bratislava, 2016ko urriaren 5a (86 urte) | ||||
| Heriotza modua | berezko heriotza: Parkinsonen gaixotasuna | ||||
| Familia | |||||
| Ezkontidea(k) | Emília Kováčová | ||||
| Familia | ikusi
| ||||
| Hezkuntza | |||||
| Heziketa | University of Economics in Bratislava (en)  | ||||
| Hizkuntzak | eslovakiera | ||||
| Jarduerak | |||||
| Jarduerak | politikaria, pedagogoa, ekonomialaria, bankaria eta unibertsitateko irakaslea | ||||
| Jasotako sariak | ikusi
| ||||
| Sinesmenak eta ideologia | |||||
| Alderdi politikoa |  People's Party – Movement for a Democratic Slovakia (en)  Txekoslovakiako Alderdi Komunista | ||||
  | |||||
Ekonomiako ikasketak egin zituen Bratislavan. 1956tik 1989ra bitartean bankuetan lan egin zuen, eta 1967tik aurrera Zivnostenska banketxearen zuzendariorde izan zen Londresen. 1970ean mailaz beheratu eta bankuko enplegatu soil bihurtu zuten, baita Txekoslovakiako Alderdi Komunistatik egotzi ere, sobietarren inbasioaren eta komunisten kontrol politikoaren aurka azaltzeagatik, 1968ko Pragako Udaberriaren ondoren.
1978an ekonomia-gaietako eskolak ematen hasi zen Bratislavako Unibertsitatean. 1989an komunisten nagusitasuna bukatzea ekarri zuen Belusezko Iraultzaren ondoren, Eslovakiako Finantza ministro izendatu zuten. Lehenengo hauteskunde libreen ondoren, 1990ean, karguan berretsi zuten, baina 1991ko maiatzean dimisioa eman zuen, Eslovakiako lehen ministro Vladimir Meciarren dimisioarengatik protesta egiteko. Kováček bat egin zuen Meciarren alderdi berriarekin, eta 1992ko hauteskundeetan Eslovakiako Biltzar Federaleko lehendakari hautatu zuten.
1993ko urtarrilaren 1ean Txekoslovakiako federazioa bi errepublika independentetan banatu zen: Txekiako eta Eslovakiako errepublikak. Kováč Eslovakiako Errepublikako lehendakari hautatu zuten 1993ko hasieran, gobernuko ministroak izendatzeko eta kentzeko ahalmenarekin. Kováčen kargua Meciar lehen ministro berriaren laguntzari esker sendotu zen, baina 1993ko bukaeran hautsi egin zen bien lankidetza, eta Kováček autoritarismoaz eta ustelkeriaz akusatu zuen lehen ministroa. Josef Moravcikek hartu zuen Meciarren lekua 1994ko martxoan, baina Meciarrek atzera eskuratu zuen lehen ministro kargua, iraileko Legebiltzarrerako hauteskundeetan. Kováč lehendakariaren agintaldia bukatu zenean, 1998ko martxoan, Meciarrek berak hartu zuen estatuaren buruzagitza.
Wiki Commonsen badira fitxategi gehiago, gai hau dutenak: Michal Kováč  |
Datuak: Q356990
Multimedia: Michal Kováč / Q356990This article uses material from the Wikipedia Euskara article Michal Kováč, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
