María Collazo ( Montevideo, Uruguai, 1884ko martxoaren 6a - Ibid ., 1942ko martxoaren 22a ) Uruguaiko hezitzaile eta kazetaria, feminista, sindikalista eta anarkista izan zen.
María Collazo | |
---|---|
Bizitza | |
Jaiotza | Montevideo, 1884ko martxoaren 6a |
Herrialdea | Uruguai |
Heriotza | Montevideo, 1942ko martxoaren 22a (58 urte) |
Hezkuntza | |
Hizkuntzak | gaztelania |
Jarduerak | |
Jarduerak | kazetaria eta sindikalista |
Gurasoak galiziar etorkin katolikoak ziren eta zortzi anai-arreba izan zituen. Uruguaiko hiriburuko La Aguada auzoan hazi zen eta mojen eskola batean ikasi zuen. Nerabea zela, Luisek, bere neba nagusiak, ideia anarkistak ezagutarazi zizkion Buenos Airesen.
1902an, Pedreirarekin ezkondu zen, eta harekin lau seme-alaba izan zituen. Montevideon bizi izan ondoren, Buenos Airesen finkatu ziren. Han berehala jarri zen harremanetan zentro anarkosindikalistekin.
1908an, laugarren alaba jaio eta gutxira, Pedreira hil zen. Urte batzuk geroago, Maríak bosgarren alaba izango zuen. Seme-alaba guztiek izen mitologikoak zituzten: Themis, Spartacus, Hebe, Leda eta Venus.
1907an, Juana Rouco Buela, Virginia Bolten eta Teresa Caporalettirekin batera, besteak beste, Emakumeen Zentro Anarkista sortu zuen, emakumez osatutako Argentinako lehen erakunde libertarioa. Egoitza Buenos Aireseko Gurdi Gidarien Erresistentzia Elkartean zegoen.
Urte berean, Collazok eta Juana Roucok parte hartu zuten hizlari gisa zenbait ekintzatan Maizterren Greban, hau da, Buenos Airesen eta Argentinako beste hirietan, errenten gorakada eta etxegabetzeengatik egindako protesta mugimenduan. Greba amaitu ondoren, Argentinako gobernuak hainbat etorkin sindikalista kanporatu zituen Egoitza Legeaz baliatuz. Collazo deportatuetako bat izan zenez, Uruguaira itzuli behar izan zuen bere familiarekin.
Francisco Ferrer Guardia pedagogo anarkista espainiarraren heriotza zigorraren eta ondorengo exekuzioaren aurkako protestetan parte hartu zuen.
1909an, kolaboratzailea izan zen Juana Rouco Buelak zuzendutako La Nueva Senda egunkari anarkofeministan (1909-1910).
1915ean, La Batalla sortu eta zuzendu zuen.
This article uses material from the Wikipedia Euskara article María Collazo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.