La Scapigliata
La Scapigliata (Orraztu gabea euskaraz), baita ere Neska burua Leonardo da Vinci margolari errenazentista italiarraren lana da.
Lur ilunez, anbar berdexkaz eta albaialdez margotuta dago taula gainean, eta 24,7 cm-ko altuera eta 21 cm-ko zabalera ditu. 1508 inguruan datatua dago. Italiako Parmako Galeria Nazionalean kontserbatzen da. Pintura honek, amaitu gabe egon arren, emakume baten edertasun handia erakusten du. Dimentsioak: 24,7 x 21 zm.
| La Scapigliata | |
|---|---|
 | |
| Jatorria | |
| Sortzailea(k) | Leonardo da Vinci |
| Sorrera-urtea | 1500(e)ko hamarkada |
| Izenburua | La scapigliata |
| Mugimendua | Goi Pizkundea |
| Ezaugarriak | |
| Materiala(k) | olio-pintura, panel (en)  , umber (en) , Anbarra eta Berun-zuria |
| Dimentsioak | 24,6 ( ) × 21 ( ) cm |
| Genero artistikoa | erretratua |
| Egile-eskubideak | jabetza publiko |
| Deskribapena | |
| Kokapena | |
| Lekua | Galleria nazionale di Parma (en) |
| Bilduma | Galleria nazionale di Parma (en) |
| Inbentarioa | 362 |
| Argumentu nagusia | emakumea |
Izenburua
Margolanak ez du izen formalik, baina La Scapigliata ezizenez ezaguna da protagonistaren ile nahasi eta astinduari erreferentzia eginez. La Scapigliatarekin batera beste hainbat izenekin ezaguna izan da, besteak beste, Emakumeen burua, Emakume gazte baten burua, Neska gazte baten burua, Emakume baten burua eta sorbaldak, Neska baten erretratua eta Emakume burua.
Historia
Dokumentatuta dago 1531tik existitzen zela, baina zalantza batzuk daude benetakotasunari eta, batez ere, datazioari buruz. Estiloaren arabera, 1500. hamarkadan egin zituen marrazki horietako bat dirudi, gaztaroko zenbait gairi berriro heltzen diena, antzinatasunez eta errealismoz tratatuz, modu bolumetrikoagoan. Emakumearen jarrera eta orrazkerarengatik gogoratzen du garai bereko beste marrazki bat, Leda eta zisnea lanerako estudioa, gaur egun Windsorko gazteluan kontserbatzen dena.
Koadroa 1826an Gaetano Callaniren bildumaren salmentan erregistratu zen Galleria Nazionale di Parma-ri, gaur egun dagoen museoari, baina bere existentziaren lehen froga 1531koa izan daiteke, orduan Isabella d'Esteren jabetzakoa izan zitekeen. Ikeralari askok Leonardo da Vinciren lan autografikotzat hartzen dute eta Leonardoren hainbat erakusketa handitan hala jaso dute.
Erreferentziak
Kanpo estekak
Datuak: Q797902
Multimedia: La Scapigliata by Leonardo da Vinci / Q797902
This article uses material from the Wikipedia Euskara article La Scapigliata, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.