Homeland estatubatuar thriller eta espioi-telesaila da, Howard Gordonek eta Alex Gansak Showtimerentzat egina.
 Homeland (telesaila) | |
|---|---|
| Jatorria | |
| Sortzailea(k) | Howard Gordon (en)  , Alex Gansa (en) eta Gideon Raff (en) |
| Izenburua | Homeland |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Sasoi kopurua | 8 |
| Atalak | 96 |
| Banatze bidea | eskatu ahalako bideo |
| Ezaugarriak | |
| Genero artistikoa | telebista drama, thriller politikoa, psychological thriller (en) , espioitza-telesaila eta thriller television series (en) |
| Iraupena | 55,5 minutu |
| Kolorea | koloretakoa |
| Deskribapena | |
| Oinarritua | Prisoners of War (en) |
| Grabazio lekua(k) | Ipar Carolina, Charlotte, Tel Aviv, Puerto Rico, Maroko, Lurmutur Hiria, Berlin, New York eta Richmond |
| Antzezlea(k) | |
Claire Danes (Carrie Mathison (en) )Damian Lewis (Nicholas Brody (en) )Mandy Patinkin (Saul Berenson (en) )Morena Baccarin David Harewood Sarah Sokolovic Diego Klattenhoff Jackson Pace Morgan Saylor Jamey Sheridan David Marciano Navid Negahban Rupert Friend (Peter Quinn (en) )Sarita Choudhury Tracy Letts F. Murray Abraham Nazanin Boniadi Laila Robins Sebastian Koch Miranda Otto Alexander Fehling Elizabeth Marvel Maury Sterling Linus Roache Jake Weber Morgan Spector | |
| Ekoizpena | |
| Ekoizlea | Alex Gansa (en) |
| Konpainia ekoizlea | Keshet (en) |
| Ekoizle eragilea | Michael Cuesta (en) Henry Bromell (en) Alexander Cary, Master of Falkland (en) Chip Johannessen (en) Meredith Stiehm (en) Lesli Linka Glatter Ron Nyswaner (en) |
| Bestelako lanak | |
| Musikagilea | Sean Callery |
| Argazki-zuzendaria | Dave Klein (en) |
| Emanaldia | |
| Jatorrizko igorlea |  Showtime |
| Hasiera-data | 2011ko urriaren 2a |
| Amaiera-data | 2020ko apirilaren 26a |
| Fikzioa | |
| Kontakizunaren tokia | Washington, Virginia, Caracas, Langley (en) , Pakistan eta New York |
ikusi
| |
| Argumentu nagusia | politika, CIAa, desleialtasuna, Terrorismoaren aurkako gerra, Traizio (zuzenbidea)a, state crime (en) eta vigilante (en) |
| Historia | |
| Jasotako sariak | Golden Globe Award for Best Television Series – Drama (en) Golden Globe Award for Best Television Series – Drama (en) Dramazko telesail onenaren Primetime Emmy Saria |
| sho.com… | |
           | |
CIAko agente Carrie Mathison ardatz hartuta zerbitzu sekretuak, nazioarteko politika eta talde armatuak esploratzen dituen telesaila da. Telesailaren lehen bi denboraldiek mundu mailako arrakasta izan zuten, kritikaren eta publikoaren gorespena jaso, eta Akademiaren onarpena ere eskuratu zuten, sari bidez.
Gerora, Nicholas Brody protagonistaren heriotzak istorioaren inguruko interesa murriztu eta jarraitzaile andana aldendu zuen betiko. Baina pertsonaia hori alboratzeak eman zien sortzaileei, hain justu, epe luzerako gasolina. Bide dramatikoak zabaldu eta telesaila errautsetatik berpizteko aukera. Lehen bi denboraldietako ildo narratibo nagusiarekin apurtu, islamera bihurturiko militar estatubatuarraren mehatxu monotematikoa gainditu, eta telesailak afera konplexuagoak jorratzeari ekin zion pixkanaka.
Pakistanera jo zuen laugarren denboraldiak, hango agente sekretuak eta CIAkoak parez pare jarrita. Bosgarrena, aldiz, Europan girotu zuten sortzaileek, eta errealitatearen eta fikzioaren arteko muga inoiz baino lausoagoa bilakatu zen. 2015eko azaroan Paris eta 2016ko martxoan Brusela jo zuten eraso terroristen artean eman zituzten denboraldi hartako atalak, gertakari horiekin lotura estua zuten atalak, hain zuzen.
AEBetako presidentetza, Estatu Islamikoa, Vladimir Putin, Charlie Hebdo, Edward Snowden, migratzaileen krisia... horiei guztiei bete-betean heldu die Homeland-ek. Baita beste hamaika gai mamitsuri ere, eta gai bakoitza fikzioan ahalik eta modu fidelenean islatzeko, gertu izan dituzte errealitateko agente sekretuak, baita Mendebaldeko eta Ekialdeko gobernuetako aholkulariak ere.
Mundu zabalean eragina duten azpijokoetatik harago, ordea, telesailak esparru intimoa ere jorratu du hamar urteotan. Nahaste bipolarra du Mathison agente protagonistak, eta horrek erabat baldintzatzen du haren bizitza profesionala eta pertsonala. Etenik ez duen polizia lana eta amatasuna bateratzearen zailtasunei erreparatu izan die telesailak, era bortitzean maiz, arreta arazoaren ondorio lazgarrietan jarrita, baina baita modu sentikor eta sinesgarrian ere.
Inteligentziaren esparrutik, AEBak babestu nahi izan ditu Carrie Mathisonek denbora honetan guztian. Bere aberriaren aldeko defentsa sutsua egin du, bidean lana, familia eta askatasun indibidualak galdu dituen arren. Jatorrira itzuliko da telesaila azken denboraldian, Mathison heroi, traidore, biktima edota erdibideko zerbait ote den argitzeko.
Datuak: Q23594
Multimedia: Homeland (TV series) / Q23594
 | Artikulu hau telebistari buruzko zirriborroa da. Wikipedia lagun dezakezu edukia osatuz. |
This article uses material from the Wikipedia Euskara article Homeland (telesaila), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
