Europako Merkataritza Libreko Erkidegoa (EMLE) —ingelesezko EFTA siglez ezagunagoa— merkataritza librerako erakunde bat da, Europako lau estaturen artekoa, Europar Batasunari loturik dagoena.
Estatu kideen artean industria salgaien salerosketak errazten ditu EFTAk; kide horietako bakoitzak, ordea, bere salerosketa politika bideratu ohi du EFTAz kanpoko herriekiko. Helburua da estatu kideen ekonomiaren egonkortasuna eta hazkundea lortzea. Erakundearen egoitza nagusia Genevan dago. Erabakiak estatu kideetako gobernuek aplikatzen dituzte, banaka, EFTAk ez baitu estatuen gaineko ahalmenik.
Europako Merkataritza Libreko Erkidegoa | |
---|---|
Datuak | |
Izen laburra | EFTA |
Mota | eskualde erakundea, free trade area (en) eta nazioarteko erakundea |
Jarduera | |
Enplegatuak | 90 (2021) |
Erabilitako hizkuntza | ingeles |
Agintea | |
Egoitza nagusi | |
Osatuta | Austria 1960ko maiatzaren 3a - 1995eko urtarrilaren 1a Danimarka 1960ko maiatzaren 3a - 1973ko urtarrilaren 1a Erresuma Batua 1960ko maiatzaren 3a - 1973ko urtarrilaren 1a Finlandia 1960ko maiatzaren 3a - 1995eko urtarrilaren 1a Islandia 1960ko maiatzaren 3a - Norvegia 1960ko maiatzaren 3a - Portugal 1960ko maiatzaren 3a - 1986ko urtarrilaren 1a Suedia 1960ko maiatzaren 3a - 1995eko urtarrilaren 1a Suitza 1960ko maiatzaren 3a - Liechtenstein 1991ko irailaren 1a - |
Ekonomia | |
Aurrekontua | 21.869.000 Fr (2017) |
Historia | |
Sorrera | 1960ko urtarrilaren 4a |
Sorlekua | Stockholm |
webgune ofiziala |
1960ko urtarrilaren 4an eratu zen, Stockholmen, sei estaturen artean: Austria, Britainia Handia, Norvegia, Portugal, Suediak eta Suitza ziren hasierako partaideak. Gerora hiru estatu gehiago batu zitzaizkion: 1961ean Finlandia, 1970ean Islandia eta 1991n Liechtestein. Gaur egun, EFTAko kideak Islandia, Liechtestein, Norvegia eta Suitza dira.
Europako Ekonomia Erkidegoan sartu nahi ez zuten Organisation for European Economic Co-operation (Europako lankidetza ekonomikorako erakundea) izeneko elkarteko estatu kideek sortu zuten EFTA, Europako Ekonomia Erkidegoarekiko (EEE) harremanetarako hizketak hautsi zirenean (1958). Haren ondorioz, Austria, Danimarka, Norvegia, Portugal, Suedia, Suitza eta Britainia Handiko estatuak elkartu eta EFTA sortu zuten (Stockholmgo Ituna, 1959ko azaroa).
Hurrengo urtean abiarazi zen erakundea. 1961eko uztailean, Finlandia onartu zuten EFTAren barnean. 1970. urteko martxoan Islandia bihurtu zen kide, eta handik hiru urtera, 1973an, Britainia Handia eta EEEko partaide bihurtu ziren, EFTA utzi ondoren. Gauza bera egin zuen Portugalgo estatuak 1986an. 1977tik aurrera sendotu egin ziren EEEren eta EFTAren arteko harremanak; 1992an, Europako ekialdean gertaturiko aldakuntza sakonen ondorioz, EEEk hartu duen nagusitasunak behartuta, Austriak, Finlandiak eta Suediak EEE erakundean sartzeko asmoa agertu zuten.
This article uses material from the Wikipedia Euskara article Europako Merkataritza Libreko Erkidegoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.