Begoña Gil Llanos (Otxarkoaga, Begoña, 1967ko otsailaren 20a) euskal politikaria da, PSE-EEko Batzorde betearazleko kidea, Politika Instituzionalerako Idazkaria eta Koordinatzaileordea.
2011tik Bizkaiko Batzar Nagusietako bigarren presidenteorde da. ak aukeratzeko bozketan, Koldo Mediavillaren alde egin zuten EAJko kide guztiek eta lehen presidenteorde izandatu zuten horrela. PSE-EEkoek eta PPkoek beren botoak Begoña Gil sozialistaren alde egiteko batu zituzten. Bederatzi ordezkari ditu PSE-EEk, eta zortzi PPk. Bilduko hamabi hautetsiek Idoia Erraztiren aldeko botoa eman arren, sozialista eta popularren hamazazpi botoei esker, Gil izendatu zuten bigarren presidenteorde.
| Begoña Gil | |
|---|---|
| Bizitza | |
| Jaiotza | Bilbo eta Otxarkoaga, 1967 (56/57 urte) |
| Herrialdea |  Bizkaia |
| Familia | |
| Ezkontidea(k) | Patxi López Álvarez |
| Hezkuntza | |
| Hizkuntzak | gaztelania |
| Jarduerak | |
| Jarduerak | politikaria eta filosofoa |
| Sinesmenak eta ideologia | |
| Alderdi politikoa |  PSE-EE |
Filosofia ikasi zuen Deustuko Unibertsitatean.
Bilboko udalean PSE-EEko zinegotzia izan zen 16 urtez, udal talde horren lana koordinatzeaz arduratzera heldu zen, eta hainbat administrazio-kontseilutan parte hartu zuen —Udal Etxebizitzak, Surbisa eta Cimubisa— eta Txurdinaga-Otxarkoaga Distrituko Kontseiluko presidentea ere izan zen urte batzuetan.
PSE-EEren udal taldearen jarraipenaz ere arduratzera ere heldu zen Bilboko udalean: hirigintza, ingurumena, zirkulazioa eta garraioa, mugikortasun politikak eta teknologia berriak.
Inkonformismoa eta bere auzoa zen Otxarkoaga hobetzeko gogoa gazte-gaztetatik eraman zuten Begoña Gil Llanos gizarte-mugimenduetan parte hartzera. 1994etik 2010era arte talde sozialistako kide izan zen Bilboko Udalean eta alde bietan aritzeko aukera izan du: gobernuan eta oposizioan.
| « | Bilbok asko erakartzen nau, baina kezkatu ere egiten nau bi abiadurako Bilbo eraikitzen ari garelako; batetik, Guggenheimen eta Euskalduna Jauregiaren Bilbo, biziberritze-aukera izugarria dakartenak, eta bestetik periferiarena; zerbitzu jakin batzuetara iristeko baliabideak dituztenena eta oinarrizkoena ere ez dutenena. Funtsezkoa iruditzen zait azpiegitura handien Bilbo, gizarte-arloko Bilborekin batera, aukera-berdintasunarena, pertsona non bizi den edo zer diru duen kontuan hartu gabe. | » |
—Begoña Gil (2000) | ||
1998-1999an urte eta erdian, Gizarte Ongizate Saileko arduraduna izan zen. Denboraldi horretan, Udaleko gizarte-zerbitzuen sarea ezagutarazi eta finkatzen saiatu zen, administrazioak bizkor erantzun zezan. udal erakunde paramunizipaletan ere parte hartu zuen, hala nola Bilboko Gizarte Egoitzenean, Artxandako Funikularrekoan edo Udal Etxebizitzenean.
Hasieran Bizkaiko PSE-EEko Batzorde Exekutiboko kidea zen, geroago Euskadi mailakoan ere aritu da. Alderdiak Euskadin dituen hauteskunde-kanpainen antolaketan eragin berezia du. Senarra duen Patxi Lopez 2009an lehendaritzara eraman zuen kanpainaren antolaketan ere parte hartu zuen modu esanguratsuan.
2011tik Bizkaiko Batzar Nagusietako bigarren presidenteorde da. Koldo Mediavillaren alde egin zuten EAJko kide guztiek eta lehen presidenteorde izendatu zuten horrela. PSE-EEkoek eta PPkoek beren botoak Begoña Gil sozialistaren alde egiteko batu zituzten. Bederatzi ordezkari zituen PSE-EEk, eta zortzi PPk. Bilduko hamabi hautetsiek Idoia Erraztiren aldeko botoa eman arren, sozialista eta popularren hamazazpi botoei esker, Gil izendatu zuten bigarren presidenteorde.
Datuak: Q125475272This article uses material from the Wikipedia Euskara article Begoña Gil, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
