André Frénaud (Montceau-les-Mines, Frantzia, 1907ko uztailaren 26a - Paris, Frantzia, 1993ko ekainaren 21a) frantses poeta izan zen.
André Frénaud | |
---|---|
Bizitza | |
Jaiotza | Montceau-les-Mines, 1907ko uztailaren 26a |
Herrialdea | Frantzia |
Lehen hizkuntza | frantsesa |
Heriotza | Parisko 7. barrutia, 1993ko ekainaren 21a (85 urte) |
Hezkuntza | |
Hizkuntzak | frantsesa |
Jarduerak | |
Jarduerak | poeta eta idazlea |
Enplegatzailea(k) | Lviveko Unibertsitatea |
Jasotako sariak | ikusi
|
Literatura-, filosofia- eta zuzenbide-ikasketak egin zituen Parisen. 1930ean, frantseseko irakasle izan zen Lvoveko Unibertsitatean (Polonian). Bigarren Mundu Gerra hasi zenean, Alemaniara deportatu zuten, baina ihes egitea lortu zuen, eta erresistentzian parte hartu zuen.
Bere poesia lanetan halako oldartu nahi bat azaltzen da, arrazoi existentzialengatik ezinegonez betea. Hizkera arrunta baina zehatza erabiltzen du beti, tonu-aldaketa bat-batekoez eta irakurlea harrituta uzten duten ustekabe eta kontraesanez ederki hornitua. Haren mundu poetikoa Sartre edo Albert Camusenaren pare jarri izan da: Les rois-mages (1943, "Errege Magoak"); Les mystères de París (1943, "Parisko misterioak"); La noce noire (1946, "Ezkontza beltza"); Poèmes de Brandebourg (1948, "Brandenburgoko poemak"); Poèmes de dessous Le plancher (1949, "Zoru-azpiko poemak"); Énorme figure de la déesse Raison (1949, "Arrazoi jainkosaren irudi-eskerga"); Les paysans (1951, "Baserritarrak"). 1960ko hamarraldian bi poema-bilduma argitaratu zituen: Il n´y a pas de paradis (1962, "Paradisurik ez dago") eta La sainte face (1968, "Aurpegi santua"). Handik zenbait urtera, La Sorcière de Rome (1973, "Erromako sorgina") poema luzea eman zuen argitara, eta hurrengo urtean, Mines des rien, petits délires (1974, "Ezeren meatokiak, txikinahikeriak").
This article uses material from the Wikipedia Euskara article André Frénaud, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.