Viktor Kingissepp
Viktor Eduard KINGISSEPP (24an de marto 1888 en Karmel (nun Kaarma) – 4 majo 1922 en Talino) estis estona komunista politikisto, la ĉefgvidanto de la estona komunista partio.
| Viktor Kingissepp | |
|---|---|
 | |
| Persona informo | |
| Naskiĝo | 24-an de marto 1888 en Kaarma Rural Municipality |
| Morto | 4-an de majo 1922 (34-jaraĝa) en Talino |
| Mortokialo | pafvundo |
| Lingvoj | estona |
| Ŝtataneco | Rusia Imperio • Rusia Soveta Federacia Socialisma Respubliko • Estonio |
| Alma mater | Faculty of Law, Saint Petersburg State University |
| Familio | |
| Infano | Sergei Kingissepp |
| Okupo | |
| Okupo | politikisto • revoluciulo |
Biografio
Li estis filo de fabrika laboristo, kaj li aliĝis al marksisma rondo kiel knabolernejano en Arensburg (nun Kuressaare) (kiu estis renomita Kingissepp en 1952, sed estis restarigita al ties originala estona nomo en 1988) kaj organizis la estonan sekcion de la Rusia Socialdemokrata Partio, en Sankta Peterburgo. Dum la milito kun Germanio, li respondecis pri kurac-trajno ĉe la Okcidenta Fronto. Post la februara revolucio, li revenis al Petrogrado (kiel Sankta Peterburgo estis nun nomita) kaj aliĝis al la bolŝevikoj kaj la Ruĝaj Gvardianoj. Post la Oktobra Revolucio, li estis dua prezidento de la estona revolucia soveto en Reval (nun Talino), sed fuĝis reen al Petrogrado post kiam Estonio estis okupita de la germana armeo. Li aliĝis la Ĉeka-n kaj en aŭgusto 1918 efektivigis la areston de Fanni Kaplan, kiu estis atencinta kontraŭ Lenin. Li revenis al Estonio en novembro 1918 por reorganizi la malpermesitan Estonan Komunistan Partion kaj prezidis ties unuan kongreson en novembro 1920. Li estis arestita de la estona Politika Polico je la 3a de majo 1922, post amasa unuamaja manifestacio en Talino kaj ekzekutita tiun saman nokton.
Heredaĵo
La sovetia rusa registaro renomis la urbon Jamburg al "Kingisepp" en lia honoro. Estona urbo Kuressaare sur insulo Saaremaa estis ankaŭ renomita al "Kingissepp" por honori lin, sed ĝi ŝanĝis sian nomon post la estona sendependeco. Multaj estonaj urboj havis straton nomitan Viktor Kingisepa dum la sovetia epoko.
This article uses material from the Wikipedia Esperanto article Viktor Kingissepp, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.