West Point: Federacia servoakademio en , New York, Usono
West Point estas militistara fortikaĵo ĉe la flanko de la rivero Hudsono en la ŝtato Novjorkio.
La loko por konstruo de la fortikaĵo estis elektita de George Washington, kaj la fortikaĵoj estis projektitaj de la pola militisto Tadeusz Kościuszko en 1778. Generalo Washington opiniis, ke West Point estis la plej grava defenda pozicio sur la tuta nordamerika kontinento. Altaj montetoj super meandroj de la rivero permesis al la Usona Terarmeo la tutan kontrolon de la trafiko sur la rivero dum la Usona Milito de Sendependeco.
| West Point | |||||
|---|---|---|---|---|---|
  | |||||
 | |||||
| militista lernejo • milita muzeo • publika eduka institucio en Usono | |||||
| moto | Duty • Honor • Country (Devo, honoro, lando) | ||||
| Informoj | |||||
| fondodato | 16-a de marto 1802 | ||||
| fondinto(j) | Thomas Jefferson vd | ||||
| speco | Ŝtata | ||||
| Situo | |||||
| Geografia situo | , 73° 57′ 30″ U 41.39277778-73.9583333341° 23′ 34″ N, 73° 57′ 30″ U | ||||
| lando | Usono | ||||
| Nombroj | |||||
| nombro de studentoj | 4 487 vd | ||||
| retejo | [ | ||||
| Listoj | |||||
| membro de | |||||
| • Centro por Esploradaj Bibliotekoj vd | |||||
| |||||
| |||||
| West Point | |||||
Krome oni metis grandan ĉenon por bloki la britajn militŝipojn, supozante ke la ŝipoj devus halti, kaj kanonoj, situantaj ĉe montoj, forpafus ilin. La britoj neniam provis trapasi tie, tamen spertuloj kredas nun ke la ĉeno ne estus sukcesinta favore al la revolucianoj.
En 1802, la Usona registaro starigis la lernejon United States Military Academy (Usona Militista Altlernejo) ĉe West Point, por ke la lecionoj de militoj transirus de generacio al generacio. Tio naskis favorajn rezultojn por Meksika-Usona Milito de 1848, la Hispana-Usona Milito de 1898, la Unua mondmilito kaj la Dua mondmilito. Dum la Usona Interna Milito, generaloj kaj oficiroj de West Point regis ambaŭ flankojn kaj la gvidantoj de la uniistoj kaj la konfederacianoj estis egalaj; aliaj faktoroj venkigis la union super la ribelo. Multaj el la plej famaj generaloj kaj eĉ prezidantoj de Usono studis ĉe West Point: William Tecumseh Sherman, Douglas McArthur, kaj Norman Schwarzkopf. Verkisto kaj poeto Edgar Allan Poe forlasis la altlernejon antaŭ fino de la studjaro (estus fininta en 1834).
Diplomitoj
(kun forlasjaro de la altlernejo)
- generalo Robert E. Lee (1829)
- generalo Ulysses S. Grant (1843)
- generalo Thomas Jonathan Jackson (1846)
- generalo John Pershing (1886)
- generalo George S. Patton (1909)
- generalo Dwight Eisenhower (1915)
- kolonelo Buzz Aldrin astronauta (1951)
- generalo Wesley Clark (1966)
- generalo David Petraeus (1974)
Konindaj naskiĝintoj en la urbo
Referencoj
Eksteraj ligiloj
This article uses material from the Wikipedia Esperanto article West Point, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.