Nigra Arbaro: Montoplena regiono en sudokcidenta Germanio
La Nigra Arbaro aŭ Ŝvarcvaldo (germane Schwarzwald) estas la plej granda (laŭ areo) kohera mezalta montaro en sudokcidenta Germanio, en la federacia ŝtato Baden-Virtembergo (Baden-Württemberg).
En ĝi fontas riveroj Danubo kaj Neckar.
| Nigra Arbaro | ||||
|---|---|---|---|---|
 | ||||
| mezalta montaro • arbaro [+] | ||||
| Situo | Baden-Virtembergo | |||
| - alteco | 1 493 m ü. NHN [+] | |||
| - koordinatoj | , 8° 9′ 0″ O 48.38.1548° 18′ 0″ N, 8° 9′ 0″ O [+] | |||
| Plej alta punkto | Feldberg | |||
| - alteco | 1 493 m ü. NHN | |||
| Areo | 6 009,2 km² (600 920 ha) [+] | |||
| Horzono | UTC+01:00, UTC+02:00 [+] | |||
| ||||
| ||||
| Nigra Arbaro | ||||
 Vikimedia Komunejo: Black Forest [+] | ||||
Koordinatoj: 48° 00′ N 8° 15′ O / 48.000 °N, 8.250 °O
La Nigra Arbaro havas areon de ĉirkaŭ 6 000 km², ĝi longas 160 km, larĝas 15–60 km kaj atingas la maksimuman altecon de 1 493 m (Feldberg) dum norde havas la averaĝan alton de 600 m. Ĝia nomo aludas la arbarabundon de la montaro. En ĝia suda parto estis establita naturparko kun areo de 330 000 hektaroj, la plej granda en Germanio.
Ĝi leviĝas krute el la ebenaĵo de la Supera Rejno kontraŭ la franca montaro Vogezoj en okcidento. Oriente la montaro malrapida malalitiĝas ĝis la montaro Ĵuraso. Sude la Alta Rejno inter Bazelo kaj Ŝafhaŭzo estas la limo, norde la plate kavaĵo de Kraichgau.
La montaro konstruiĝas el magmaj rokoj, granito, norde el sabloŝtono. La Nigran arbaron dividas la profunda Kinzig-valo. La plej altaj montoj de la Nigra Arbaro estas: Feldberg (1 493 m), Herzogenhorn (1 415 m), Belchen (1 414 m) kaj Schauinsland (1 298 m).
La Nigra Arbaro allogas multajn turistojn, ĝi estas konata pro horloĝofarado (kukolhorloĝoj), la grandaj farmdomoj kovritaj per groptegmentoj, folkloraj kostumoj kun bulĉapelo kaj Nigrarbara kuko (kremtorto kun ĉerizoj kaj ĉeriza brando).
-
-
La monto Feldberg
Referencoj
This article uses material from the Wikipedia Esperanto article Nigra Arbaro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.