Massiel

Ŝi estas plej konata pro sia venko en la Festivalo de la Kanto de Eurovisión, en 1968, per la kanto La, la, la.

Massiel
Persona informo
Aliaj nomoj	Massiel
Naskiĝo	2-an de aŭgusto 1947 (1947-08-02) (76-jaraĝa) en Madrido
Lingvoj	hispana
Ŝtataneco	Hispanio
Familio
Edz(in)o	Pablo Lizcano
Amkunulo	Carlos Zayas Mariategui
Okupo
Okupo	aktoro • kantaŭtoro
Verkoj	La, la, la
v • d • r

Unuaj jaroj

Ŝia unua publika kantado okazis en 1966 interpretante en Madrido la kanton "Di que no". Tiun saman jaron ŝi partoprenas en la nomita Festivalo de la Rozo en Romo, en tiu de Viña del Mar, en Ĉilio, kaj en tiu de Majorko, kie ŝi gajnas la premion de la kritiko.

En 1967 ŝi partoprenas en siaj du unuaj filmoj, Vestida de novia kaj Codo con codo, kaj atingas grandan sukceson en Hispanio kaj Hispanameriko per la kanto Rosas en el mar, verkita de Luis Eduardo Aute, kiel same poste per ties kanto Haleluja n-ro 1. Iuj de tiuj kantoj estis konsideritaj de multaj kiel iuj el la unuaj protestaj kantoj aŭ nova kastilia kanto.

Partopreno en Eurovisión

 

En 1968, kun dudek unu jaroj, alvenas ŝia granda ŝanco kaj ŝi gajnis la Festivalon de la Kanto de Eŭrovido en Royal Albert Hall de Londono, kun la temo La, la, la, skribita de la Dúo Dinámico. Ŝia triumfo fariĝis granda surprizo pro tio ke ŝi venkis la favoraton, la britan Cliff Richard kun ties kanto "Congratulations".

Estis unue antaŭvidite ke Hispanio estus reprezentita de la kant-aŭtoro Joan Manuel Serrat, kantante la saman temon, sed tagojn antaŭe Serrat petis kanti ĝin en la kataluna lingvo. La tiama registaro rifuzis kaj li estis anstataŭita de Massiel.

Post tiu triumfo, Massiel iĝis konata artisto je internacia nivelo, farante plurajn aperojn en kino kaj teatro, interpretante verkojn de Bertolt Brecht aŭ William Shakespeare, kaj en programoj kaj serioj de televido de malsamaj landoj.

Postaj jaroj

Kun la paŝo de la jaroj, ŝia muzika stilo variis. Laŭlonge de sia muzika vivo ŝi surbendigis pli ol kvindek diskojn. Ŝi kombinis sian muzikan faceton kun tiu de aktorino, partoprenante en pluraj filmoj kiel La vida alegre de Fernando Colomo. En teatro ŝi debutis en 1971 kun Fernando Fernán Gómez, kaj ankaŭ aperis en televidaj programoj.

Persona vivo

Massiel estis edziĝinta en du okazoj, kaj ankaŭ havis longdaŭran rilaton kun la politikisto kaj ĵurnalisto Carlos Zayas. Ŝi havas du filojn.

Massiel estas tre konata en Hispanio en popola amaskomunikilaro pro sia persona vivo kaj pro sia socia engaĝiteco.

• The Digiloo Trush Teksto de La, la, la en hispana, angla kaj franca.
• Youtube Video de ŝia partopreno en Eurovisión