Kurta Cirkvito
Kurta cirkvito - elektra kunigo de du partoj de elektra cirkvito kun malsamaj tensioj (relative al maso aŭ tero) ne laŭ ideo de la aparato (aŭ sistemo).
Ĝi povas igi la aparaton ne funkcipova, aŭ damaĝi ĝin. Kurta cirkvito povas okazi pro difektiĝo de izolaĵo de konduktiloj aŭ pro misintertuŝado de neizolitaj konduktilaj partoj de la aparato.
Kurta cirkvito povas okazi inter du konduktiloj de elektra cirkvito, aŭ inter konduktilo kaj korpo de la aparato, ĉar la korpo kutime estas kunigita kun certa parto de la cirkvito.
Pri stokado de povumaj kondensiloj, volonta rekte-konekto de iliaj du elektrodoj farendas pro sekureca kialo, ĉar se ili restus sen tiu antaŭzorgo, ili povus krei neantaŭviditajn kaj danĝerajn tensiojn inter siaj konduktiloj, pro elektra polarizado de dielektriko.
En trifaza reto povas esti tiuj tipoj de kurtaj cirkvitoj
- Unufaza - de unu fazo al tero;
- Dufaza - de unu fazo al la alia;
- Dufaza al tero - du fazoj kune al tero;
- Trifaza - tri fazoj kune;
En elektraj maŝinoj pli ofte okazas tiuj kurtaj cirkvitoj:
- Interbukla - de unu buklo de iu buklaro al la alia buklo de la sama buklaro;
- Interbuklara - de buklo de unu buklaro al buklo de la alia buklaro;
- Al la korpo (maso).
Konsekvenco de kurta cirkvito
Post kurta cirkvito pligrandiĝas kurento en cirkvito kaj povas okazi elektra arko. Kurta cirkvito povas igi varmecan aŭ meĥanikan damaĝon al la aparato. Ankaŭ povas esti damaĝo pro disiĝantaj eroj de fandeblaj metaloj.
Ŝirm-metodoj
Kontraŭ kurtaj cirkvitoj, oni kutime faras specialajn ŝirmilojn:
- Kurentolimigantajn rezistilojn aŭ reaktancojn (tia reaktanco estas induktilo);
- Fandogardilojn;
- Meĥanikajn aŭtomatajn malŝaltilojn;
- Specialajn elektronikajn cirkvitoj.
- amplifier
En retoj de disvastigado de elektro, ĉi tiu ŝirmilo nomiĝas Relajsa defendo kaj aŭtomateco; tiam por malŝalti la kurenton, oni uzas grandtensian ŝaltilon.
This article uses material from the Wikipedia Esperanto article Kurta cirkvito, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.