Jean-Baptiste Clément
Jean-Baptiste CLÉMENT, esperante Johano Baptisto KLEMENTO (naskiĝis 31-an de majo 1836 en Bulonjo-Biljankurto, mortis la 23-an de februaro 1903 en Parizo) estis kantisto kaj membro de la Pariza Komunumo konata ĉefe pro esti la aŭtoro de la kanto Le Temps des cerises (La tempo ĉeriza), kun muziko de Antoine Renard, kiu fariĝis ekde la fino de la 19-a jarcento simbolo por la laborista movado de la Komunumo.
| Jean-Baptiste Clément | |
|---|---|
 | |
| Persona informo | |
| Naskiĝo | 31-an de majo 1836 en Boulogne-Billancourt, Seine,  Francio |
| Morto | 23-an de februaro 1903 (66-jaraĝa) en 10-a arondismento de Parizo, Seine, Francio |
| Tombo | Tombejo Père-Lachaise |
| Lingvoj | franca |
| Ŝtataneco | Francio |
| Okupo | |
| Okupo | chansonnier • poeto • verkisto • ĵurnalisto • komunardo |
| Verkoj | Le Temps des cerises La Semaine sanglante |
Biografio
Clément estis poeto, socialisto, framasono, kuprolaboristo, ĵurnalisto kaj ekzilito en Belgio en 1867, kie li publikigis sian faman kanton. Poste li estis enkarcerigita ĝis la insurekcio de 1870. Membro de la Nacia milico, li partoprenis en la insurekcioj de oktobro 1870 kaj januaro 1871. Marte Clément estis elektita membro de la Konsilantaro de la Komunumo el la 18-a arondismento de Parizo. Li partoprenis en la administrado de la Komunumo ĉe diversaj postenoj. En la ĵurnalo Cri du peuple (esperante Popola krio) de Jules Vallès li protestis kontraŭ la fermo de kelkaj ĵurnaloj opoziciantaj la Komunumon. Li luktis ĉe la barikadoj dum la Sanga semajno kaj poste li verkis la kanton La Semaine Sanglante (esperante La Sanga Semajno) kiu denuncas la perfortan subpremadon kiun suferis la komunumanoj.
Clément ekziliĝis en Londono, kie li pludaŭrigis la lukton. Kondamnita je morto en 1874, li estis amnestiita en 1879. Li revenis al Parizo post la amnestio de 1880 kaj aktivulis en la socialisma partio de Jules Guesde. Kiam Clément estis enterigita ĉe la tombejo Père-Lachaise la 26-an februaro 1903, ĉirkaŭ 5 000 homoj ĉeestis la ceremonion.
Elprenaĵo el La Tempo ĉeriza
Se kantos ni pri la temp’ de l’ ĉeriz’
Kaj la najtingal’, kaj mokanta merl’
Festados sen fino…
…Sed mallongas tro la temp’ de l’ ĉeriz’,
Ja, kiam dum revo plukas duop’
Orelo-juvelojn…
Eksteraj ligiloj
- La Tempo ĉeriza Arkivigite je 2014-02-25 per la retarkivo Wayback Machine, plena teksto en kunlabora versio de Marcelo Redulezo, kiel ĝi aperas en La Pariza Komunumo de 1871 (SAT-EFK, dua eldono)
- Kantoj de Jean-Baptiste Clément
Referencoj
- Bernard Noêl, Dictionnaire de la Commune (Flammarion, kolekto Champs, 1978).
This article uses material from the Wikipedia Esperanto article Jean-Baptiste Clément, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.