Esperanto-Movado En Tajlando
Estas malfacile sciiĝi, kiam ĝuste komenciĝis la Esperanto-movado en Tajlando.
Tamen laŭ kolektitaj informoj tra interreto oni povas maldetale distingi periodojn je izolula, asocia kaj interreta.
Izolula periodo
En tiu ĉi periodo estis informo pri izole loĝintaj esperantistoj en Tajlando, do ne estis informo pri grupo aŭ asocio.
- 1906-1907 laŭ Adresaro de la Esperantistoj montriĝis, ke J. Guénot loĝis en Siamo (Tajlando). Verŝajne estis la unua esperantisto alilanda en la lando.
- Ĉirkaŭ 1918 estas rimarkinde, ke post 2-jara ekloĝo en Japanio Eroŝenko venis al Tajlando fondi blindulan lernejon, tamen oni ne scias, ĉu li agadis pri Esperanto tie aŭ ne.
- 1928 laŭ esploro de D-ro Dietterle montriĝis, ke ekzistis unu esperantisto en Bangkoko, tamen en la raporto ne aperis la nomo.
Asocia periodo
En tiu ĉi periodo estis fondiĝoj de landaj asocioj; kaj en tiu ĉi periodo ekzistis aparta informo, ke kelkfoje komunistoj uzis Esperanton.
- 1936 Tajlanda Esperanto-Asocio
- 1938 aperis la unua libreto verkita en la taja pri Esperanto Esperanto? ภาษาโลกคืออะไร? “Esperanto? Kio estas la monda lingvo?”
- 1980 Tajlanda Esperanto-Instituto, kiun fondis s-ro Prem Kulemekin.
- 1991 estis aparta Esperanto-rondo Esperantista Grupo en Bangkok.
Interreta periodo
En tiu periodo la interreto estas facile uzebla kaj spuroj de Esperanto-agadoj estas multe registritaj tra interreto.
- 2005 fondiĝis Esperanto-kompanio MondEtur pri zorgado kaj servado.
- 2006 okazis en la hotelo Bangkok’s Royal Hotel la ESPERANTO FRIENDSHIP CONFERENCE (Amikeca Esperanto-Konferenco), kiun aranĝis la grupo LA LOKO[rompita ligilo]
- 2012 aperis la unua lernolibro Esperanto per rekta metodo de Stano Marĉek tradukita tajlingven de Mark Starrs, aŭstralia esperantisto loĝanta en Tajlando.
- 2015-2016 fondiĝis Esperanto-grupo en SWU, en la universitato Srinakharinwirot.
- ~2015- aperis provizore la unua Vortaro Esperanto-Taja, ĉefe kompilita de Geoffrey Sutton.
- 2016 fondiĝis Bangkoka Esperanto-Klubo "Verda Elefanto"
- 2018 okazis la unua Kunveno de Sudorientazia Junularo (KSJ), en la urbo Ajuttaja, Tajlando.
Vidu ankaŭ
- Esperantistoj en Tajlando.
- Iamaj membroj de UEA en Tajlando.
Referencoj
This article uses material from the Wikipedia Esperanto article Esperanto-movado en Tajlando, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.