El Sabinar

Ĝia nomo devenas de la flaŭro, kiu enloĝis la areon, ĉefe temas pri la nigra junipero (hispane: "sabina negra", science: "Juniperus phoenicea"); tio ankoraŭ troviĝas en la tuta areo nomita "Aragona Bardeno".

Ene de la municipo "Ejea de los Caballeros", la areo asignita al "El Sabinar" estas iom pli ol 4 483 hektaroj. Multaj el ĝiaj teroj, kun troa saleco, donis bonegajn rezultojn dediĉinte ilin al la kultivado de rizo, pro la bona kvalito de la akvoj venantaj el Pireneoj. La alteco de "El Sabinar" sur la marnivelo estas 310 m. Ĝia distanco al Zaragozo estas proksimume 68 km, kaj ĝia distanco al Ejea de los Caballeros 14'5 km.

Laŭ ŝtataj datenoj de "Nacia Instituto de Statistiko" (INE), en 2021 entute 176 homoj vivis en la urbo.

Demografiaj datenoj de "El Sabinar" inter la jaroj 2000 kaj 2021:

La konstruado de El Sabinar komenciĝis en majo 1956, sed pro diversaj kialoj ĝiaj unuaj loĝantoj ne alvenis tie ĝis decembro 1962. Komence estis konstruitaj 126 domoj kaj 113 familioj de setlantoj loĝis en la urbeto.

Ĝi estis la lasta el la setlanturbetoj de la komarko "Cinco Villas", kiu komencis enhavi loĝantojn. Multaj el la setlantfamilioj, kiuj moviĝis al "El Sabinar" venis de "Novillas", Ejea de los Caballeros, "Gallur", "Uncastillo", "Tauste" kaj de la zaragozaj kvartaloj "Santa Isabel" kaj "Alfocea". Tio igis ĝin la urbo kun setlantoj venantaj de pli da lokoj, igante neniun devenlokon superregi pro sia granda nombro da setlantoj.

• Preĝejo dediĉita al "Natividad del Señor" (Naskiĝo de la Sinjoro):

En la centro de la urbeto, prezidante la placo "Aragón", kun ĝia karakteriza cirkla turo, estas tiu preĝejo simbolo de la urbo. De malproksime, kiel lumturo, la sonorilturo de la preĝejo gvidas al la urbo, atingante ĝiajn piedojn, kiam oni eniras tra la ĉefa enirejo. Ĉiu setlejurbo havas turon kun unika dezajno. En la kazo de "El Sabinar", ĝia plano estas tute cirkla, konstruita en ŝtono kaj kun alteco de pli ol 20 metroj. Interne elstaras la tri kanvasoj de la ĉefa retablo, pentritaj en oleo de Flora Macedonski. Ĉiu kun alteco de 5 metroj kaj larĝo de 2,80 metroj. Ili montras tri scenojn apartenantaj al la infanaĝo de Jesuo: la adorado de la anĝeloj, la anonco al la magoj kaj la anonco al la paŝtistoj. Ĝi estas la nura el la ses koloniigurbetoj de la areo, kiu havas du sonorilojn en la turo de sia preĝejo. Tiu ĉi okazo eĉ du.

• Ermitejo "La Bardena": Situanta 4 km de la urbo, kaj dediĉita al la Virgulino de La Bardena, ĝi kunvenigas la loĝantojn de la ses setlejurboj de Ejea ĉiun unuan dimanĉon de junio. Ĉi tiuj estas jenaj (laŭ alfabeta ordo): Bardenas, El Bayo, El Sabinar, Pinsoro, Santa Anastasia kaj Valareña. Interne, prezidante la ĉefaltaro, estas la bildo de la Virgulino. Originante de 1966 kaj ĉizita en ŝtono de Calatorao, ĝi reprezentas la Virgulinon Maria kun la infano Jesuo en ŝiaj brakoj. La ĉizado estas verko de Ángela Borobio, filino de la arkitekto José Borobio, kiu dezajnis la setlejurbetojn en la areo.

• La 15-an de majo, honore al "San Isidro Labrador" (Sankta Isidro Kamparano).

• La ĉefaj festoj okazas de merkredo ĝis dimanĉo, de fine de julio ĝis komence de aŭgusto, sed elektante la datojn ĝis la unua semajnfino estos en monato aŭgusto, kaj tiel ĉiujare tiuj datoj ŝanĝas.

• Belvidejo apud la rivero "Riguel": El Sabinar situas sur la dekstra bordo de la rivero "Riguel". De la belvidejo sur la digeto oni povas kontempli privilegiajn vidojn de granda parto de la regiono kaj ankaŭ de antaŭ-Pireneoj.

• Lageto de "El Sabinar": Ĉi tiu malgranda lageto estas unu el la ĉefaj altiroj de la urbo. Ĝi situas sude de la urbeta centro, nur 2 km for, do estas tre facile veni tien piede aŭ bicikle. Ĝi estas kutime sufiĉe vizitata de fiŝkaptistoj kaj ĝi estas ankaŭ perfekta celo por birdoŝatantoj, ĉar en ĝia ĉirkaŭaĵo oni povas trovi plurajn specojn de birdoj.

• Junulara Klubo "Los Catorce" (La Dek-Kvar)
• Asocio de Emerituloj "La Natividad" (La Nativeco)
• Virina Asocio "La Bardena Negra" (La Nigra Areo)
• Loka Asocio de El Sabinar "San Antonio" (Sankta Antonio)

• Aragona regioneto Cinco Villas.

• Taŭret-ludoj en El Sabinar ("Roscaderos"). [8]