Kriza Telefonnumero 112: Porkriza telefonnumero

La telefonnumero servas por alvoki la krizajn servojn en la kazo de bezono kaj neceso. Intenca misuzado de la numero povas esti punebla laŭ lokaj leĝoj.

La telefonnumero 112 estas parto de la GSM-normo, do ĉiuj poŝtelefonoj kongruaj kun GSM devas esti kapablaj alvoki la numeron 112 ankaŭ kiam la telefono estas ŝlosita aŭ en kelkaj landoj eĉ sen enigita SIM-karto.

 

Afriko

•   Egiptio
•   Ganao
•   Maŭricio – nur polico
•   Nigerio
•   Ruando
•   Senegalo
•   Sud-Afriko

Azio

•   Armenio
•   Azerbajĝano
•   Barato
•   Honkongo – alidirektas al 999
•   Indonezio
•   Irano
•   Kazaĥio
•   Kuvajto
•   Libano – nur polico
•   Omano
•   Orienta Timoro
•   Sirio – nur polico
•   Sud-Koreio – nur polico, disponeblas interpretistoj por la angla lingvo
•   Unuiĝintaj Arabaj Emirlandoj
•   Uzbekio

Eŭropo

•   Albanio
•   Andoro
•   Aŭstrio
•   Belorusio – nur fajrobrigadistoj
•   Belgio – disponeblas en la franca, nederlanda, angla kaj en kelkaj kazoj en la germana lingvo
•   Bosnio kaj Hercegovino
•   Bulgario
•   Ĉeĥio – disponeblas en la ĉeĥa, angla aŭ en la germana lingvo, ekde 2022 eblas uzi ankaŭ SMS-ojn
•   Danio – inkluzive   Gronlando kaj   Ferooj
•   Estonio
•   Finnlando – inkluzive   Alando
•   Francio
•   Germanio
•   Grekio
•   Ĝibraltaro
•   Hispanio
•   Hungario
•   Islando
•   Irlando – apud 999
•   Italio
•   Kartvelio
•   Kipro
•   Kosovo
•   Kroatio
•   Latvio
•   Liĥtenŝtejno
•   Litovio
•   Luksemburgo
•   Malto
•   Moldavio
•   Monako
•   Montenegro
•   Nederlando
•   Nord-Makedonio
•   Norvegio
•   Pollando
•   Portugalio
•   Rumanio
•   Rusio
•   Serbio
•   Slovakio
•   Slovenio
•   Svedio
•   Svislando
•   Turkio
•   Ukrainio
•   Unuiĝinta Reĝlando (Britio) – apud 999
•   Vatikano

Nord-ameriko

•   Kanado
•   Kostariko – apud 911
•   Usono – alidirektas al 911

Oceanio

•   Aŭstralio – alidirektas al 000
•   Nov-Zelando – alidirektas al 111
•   Vanuatuo

La kriza numero 112 estas en Eŭropa Unio prizorgata de la membroŝtatoj, kiuj financas ĝin kaj decidas pri la organizo de la telefon-centraloj. La numero estas ankaŭ adoptita de la kandidataj ŝtatoj por membriĝo en Eŭropa Unio kaj de la ŝtatoj en Eŭropa Ekonomia Areo.

La Internacia Telekomunika Unio rekomendas al siaj membroŝtatoj elekti aŭ la numeron 112, 911, aŭ ambaŭ kiel sia ĉefa aŭ aldona kriza telefonnumero.

Eŭropa Tago de la Numero 112 estas la tago por atentigi pri la ekzisto de la unueca kriza telefonnumero 112 en Eŭropa Unio. Ĝi estis adoptita de Eŭropa Parlamento, Konsilio de la Eŭropa Unio kaj Eŭropa Komisiono en 2009. Kiel la tago estis elektita la 11-a de februaro ĉar ĝi aspektas simile al la telefonnumero (11.2.).

En tiu ĉi artikolo estas uzita traduko de teksto el la artikolo 112 (emergency telephone number) en la angla Vikipedio.