Nom Binominâl
La nomenclatura binominâla, mêsa u pouent per Carl von Linné dens la seconda mêtiêt du XVIIIémo sièclo, at por ciba de balyér un nom entèrnacionâl a châque èspèce viventa.
Ceti nom est composâ de doux mots en latin: lo nom gènèrico que comence per na majuscula dèsigne lo genro et dêt étre unico, et l'èpitèto spècifico (adjèctif, gènitif ou nom en apposition), que comence per na minuscula et dêt étre unico dens lo genro. D'ense doves èspèces pôvont pas avêr la méma dènominacion. En citacion formèla on apond l'ôtor (ou los ôtors, avouéc l'usâjo de parentèses se y at avu changement de genro) et la dâta du binômo, ceti-ce étent apelâ combinèson per los scientificos.
Quârques ègzemplos:
Homo sapiens L. 1758 Homo modèrno
Filipendula ulmaria (L.) Maxim. 1879 Vegnèta des prâts
Hygrophorus marzuolus (Fr.) Bres. 1893 Higroforo de mârs, marjolu
Difèrents codes de nomenclatura, pèriodicament ravisâs durent des congrès entèrnacionâls, contegnont les règlles d'usâjo de ceta nomenclatura.
This article uses material from the Wikipedia Arpetan article Nom binominâl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.