C'l artìcul chè 'l è scrit in Miranduléś
Docteur M | ||
Doctor M. | ||
Jan Niklas in na figùra dal film | ||
Dutōr M. 1990 | ||
---|---|---|
Regìa: Claude Chabrol | ||
Scritōr: Norbert Jacques • Sollace Mitchell Thomas Bauermeister • Claude Chabrol | ||
Atōr: Alan Bates • Jennifer Beals • Jan Niklas Benoît Régent • Daniela Poggi • William Berger Peter Fitz • Wolfgang Preiss • Isolde Barth | ||
Müsica: Mekong Delta • Paul Hindemith | ||
Léngua: Ingléś | ||
Dürä dal film: 117 minüt | ||
Nasiōṅ: Frància • Itàglia • Germàgna |
Doctor M. (Dutōr M.) 'l è 'n film dramàtic francéś, itagliàṅ e tedésc dal 1990 ad Claude Chabrol ch'l à tòlt ispirasiòṅ da 'n rumànś dal 1921 ad Norbert Jacques da 'l tìtul Dr. Mabuse, der Spieler. 'L è anc 'n arfacimènt dla pelìcula Il dottor Mabuse ad Fritz Lang dal 1922.
La sità ad Berlîṅ e la pulisìa i gh'aṅ da far i cònt cun na sfilaràda ad caś ad gint ch'la s tōś la vita: padàr ch'i s cópan sénsa lasàr scrit gnint, artìsta ch'i s màsan anc si gh'aṅ da tut e via dascurénd. A s fà fadìga a carpìr-'n al mutìṿ e a s pénsa ch'a gh sia insaplàda na quàlc nasiòṅ nemìga ch'la vōl mét'r in di guàj la Germâgna o, a s pōl dar, anc un vìrus bòṅ ad far crésar la matéria in dal mènt di malâ.
'L agìnt Klaus Hartmann (Jan Niklas), dòp che anc sò mujér la s è masàsa, al taca a indagàr e na sira al cgnós in discutéca na dóna ch'la gh'à 'n surìś ch'l inciòlda, la mudèla Sonja Vogler (Jennifer Beals), e al dvènta al sò amànt. Chi lē la lavōra p'r al dutōr Marsfeldt (Alan Bates), un vèć malâ a 'l cōr pîṅ ad bèsi ch'al gh'à dal televiśiòṅ e soquànt albêrg ad lus, di club ciamâ “Theratos”, in dua la gint la pasa vluntéra al vacànsi anc tgnénd a drē a la reclàm ch'la gh fà la Sonja in si schérum televiśìṿ in dua l'arcòrda a tut ad cuntìnuv ad lasàr-'s andàr.
Marsfeldt al gh'à in tèsta sōl un quèl: cuciàr la gint cun di prubléma e ch'la s sènt dimóndi śò a sarnìr al suicìdi.
This article uses material from the Wikipedia Emiliàn e rumagnòl article Doctor M., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.