निङ्गलासैनी मन्दिरबैतडी जिल्लाको देहिमाण्डौं गा.वि.समी अवस्थित छ । निङ्गलासैनी मन्दिर शुदुरपश्चिमको को भौत ठुलो मन्दिर माणिन्छ । यै मन्दिरमी सालसालको बडा दशैं और चैते दशैँमी कम्मैमा ९०० बठे १३०० सम्म रांगानको बलि चढाउन्या अरिन्छ भण्या ३०० बठे ५०० सम्मा बोक्यानको पन बलि दिइन्या अरिन्छ । यै मन्दिरमी टाढा टाढा बठे भक्तजनहरुआउन्या गर्याका छन । यो मन्दिर नेपालको सूदूरपश्चिमका नौ भगवतीनका मन्दिरन मध्ये एक मन्दिर माणियाको छ । यै मन्दिरमी बडादशैँका बेलामी बलि चढाउन्या राङा,बोक्यान लाई चढौन्या मन्सुनले आफ्ना-आफ्ना घरमी षष्ठीका दिन तर्पन्या और मन्दिरमा लैझानाइ तयार अद्दान । टाढा-टाढाका भकलबाला तसै दिन और नजिक-नजिकका सप्तमीका दिन मन्दिरमी लैझान्या अद्दान । अष्टमीका दिन मन्दिरमी पुजा आजा गरिबरे तसैदिन राङा बोका काटिन्या अरिनान । अष्टमीका दिन निङ्गलाशैनी मन्दिरमि भौत ठूलो जात लाग्या अरिन्छ । जातमी भारतको उत्तराखण्ड,कुमाउ,गढवाल,धार्चुला और नेपालका भौत-भौत ठौरबठे जात हेद्दाकी औन्या अद्दान । निङ्गलाशैनी मन्दिरको जातमी कम्मैमा ४०,००० बठे ६०,००० मान्सु आउन्या अर्याका छन । तसोइ अरिबरे चैते दशैँमी लै राङा और बोक्याको बलि चढाउन्या साथै भौत ठोलो जातलै लाग्या अरियाको छ ।
श्री निङ्गलासैनी भगवती मन्दिर | |
---|---|
निर्देशांक: | 29°25′N 80°30′E / 29.41°N 80.5°E |
नाम | |
वास्तविक नाम: | निङ्गलासैनी भगवती मन्दिर |
अवस्थिति | |
राज्य/अञ्चल: | महाकाली |
जिल्ला: | बैतडी |
ठउर: | देहीमाण्डौं,बैतडी |
कला रे संस्कृति | |
मुख्य देवता: | शक्ति |
प्रमुख काजबार: | दशैं रे चैते दशैं कि अष्टमी तिथि |
नेपालको सुदूरपश्चिममि नौ भगवती रयाका छन। यिन नौ भगवती बैनि-बैनी माणिन्या अरिन्छ । नेपालको सुदूर पश्चिममी रहेकी प्रख्यात नौ भगवतीअन :
क्रं.सं. | नाम | स्थान |
---|---|---|
१. | बडिमालिका | बाजुरा |
२. | बरदादेबी | अछाम |
३. | शैलेश्वोरी | डोटी |
४. | उग्रतारा | डडेलधुरा |
५. | त्रिपुरा सुन्दरी | बैतडी |
६. | मेलौली | बैतडी |
७. | निगालासैनी | बैतडी |
८. | सुर्मा | बझाङ |
९. | गोदावरी | कैलाली |
This article uses material from the Wikipedia डोटेली article निङ्गलाशैनी भगवती मन्दिर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.