चौधरी चरण सिंह विश्वविद्यालय (CCS University), पैली को मेरठ विश्वविद्यालय, मेरठ, उत्तर प्रदेश, भारत मैँ रयाः राज्य स्तरीय सरकारि विश्वविद्यालय हो। येइ विश्विद्यालय को स्थापना सन् १९६५ मैँ भयाः हो। पछा येइ विश्वविद्यालय को नाउँ भारत का पूर्व प्रधानमन्त्रि चौधरी चरण सिंह का नाउँ माइ राखियाः थ्यो। येइ विश्वविद्यालयले आफुनि रजत जयन्ति सन् १९९१ मैँ मनाइराइथ्यो।
Former names | मेरठ विश्वविद्यालय |
---|---|
Motto in English | जाँ सत्य को सबहै ठुलो खजाना बास गरन्छ |
किसम | राज्य स्तरीय विश्विविद्यालय (सरकारी) |
स्थापना | सन् १९६५ |
कूलपति | ढाँचा:UP governor |
रजिष्ट्रार | दीप चन्द (आईएएस अधिकृत) |
ठौर | मेरठ, उत्तर प्रदेश, भारत |
क्याम्पस | शहरी |
Affiliations | UGC |
वेबसाइट | www |
येइ विश्वविद्यालय मा विज्ञान, मानविकी, समाज-शास्र रे इन्जिनीयरिङ सङ्काय का कतिब विषयअन मा पढाइ हुन्छे। एमफिल रे पिएचडि तह का कार्यक्रमअन सन् १९६९ बठेइ शुरू अर्याः येइ विश्विविद्यालय ले सन् १९७३ बठेइ पोष्ट-ग्र्याजुएट तह का विभिन्न विषयअन मैँ परिष्कृत पाठ्यक्रम का आधार मैँ पड़ाइ शुरू अरिराइथ्यो। येइ विश्वविद्यालय मैँ विश्वविद्यालय अनुदान आयोग का सहयोग मैँ २२ रे स्ववित्तपोषित ३५ विभाग पाठ्यक्रमअन सञ्चालित छन। सर छोटुराम इन्स्टिच्युट अफ इन्जिनीयरिङ एण्ड टेक्नोलोजि येइ विश्वविद्यालय अन्तर्गत सञ्चालित सरकारि इन्जिनीयरिङ क्याम्पस हो। याँ इन्जिनीयरिङ तिर का विभिन्न ७ विषय मैँ पड़ाइ हन्छे। येइ विश्वविद्यालय ले विश्वविद्यालय का शैक्षणिक समुदाय तथा समग्र राज्य लाइ सेवा दिन्या उद्देश्य ले सन् १९६८ मैँ पुस्तकालय को स्थापना अरिराइथ्यो। पुस्तकालय लाइ आँजि व्यवस्थित बनाउनाइ सन् १९७० मैँ बनाउन शुरू अर्याः छुटाइ पुस्तकालय भवन को निर्माण सम्पन्न सन् १९७२ मा होइरैथ्यो; जै लाइ ११ जनवरी १९७२ मैँ विश्वविद्यालय का पैल्लो कुलपति डा॰ गोपाल रेड्डी ले उद्घाटन अरिराइथ्यो। यो पुस्तकालय अच्याल राजा महेन्द्र प्रताप पुस्तकालय का नाउँ ले पछ्याणीन्छ।
येइ विश्वविद्यालय बठेइ सम्बन्धनप्रदत्त कलेजअन मेरठ रे सहारनपुर क्षेत्र का विभिन्न नौ जिल्ला - बागपत, बुलन्दशहर, गौतम बुद्ध नगर, गाजियाबाद, हापुड, मेरठ, मुझफ्फरनगर, सहारनपुर रे शमली माइ रयाः छन।
77°44′29″E / 28.9700°N 77.7415°E
This article uses material from the Wikipedia डोटेली article चौधरी चरण सिंह विश्वविद्यालय, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.